Dosar Biboron 32:14 - সান্তালী বাইবেল

¹⁴ Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Dosar Biboron 32:14 Referans Kwoze

Genesis 49:11

Jihudạ do darkha nạ̃ṛĩre acʼren gadhae tolkaea, ar gadha hopon do soros utạrakʼ nạ̃ṛĩre. Uni do darkha rasate kicricʼkoe soboda, ar darkha joko reakʼ mãyãmte do oyonakʼkoge.

Sereńko 147:14

Amakʼ simạnakore unige sạjạiye dohoyeda, ar joto khon bhage guhumteye tirpitetʼme kana.

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Jeheskel 39:18

Ape do daṛean hoṛkoakʼ jelpe joma ar dhạrtiren disạm cakʼlaokoakʼ mãyãmpe ńũiya; noko hoṛko do Bason disạmren moṭa soṭa bheḍa, bheḍa hopon, merom boda ar ḍaṅgra leka kanako.

Jesaea 7:15

Oka bạṛicʼakʼ kan ona phesṛao giḍikakʼ ar oka bhageakʼ ona bachao joṅ reakʼ oktere uni do dahe ar dumur rasae joma. Menkhan E Ahas raj, ona reakʼ okteko ạurirege okoeyem botorakin kan unkin banar rajakʼ disạm do ujạṛokʼa.

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

Jobakʼ 20:17

Uni do dahe ar dumur rasa ạtukʼ gaḍako ar bae ńelńama.

2 Samuel 17:29

dumur rasa, dahe, gotom ar bhiḍikoko ạguketʼkoa. Onko doko hudiskeda, hahaṅkarre onko do reṅgecʼ ar tetaṅteko lorao akana.

Bikʼcạrko 5:25

Sisera dakʼe khojletʼre uni do toae ạguadea; ar mońj okocʼ bạṭite dahegeye emadea.

Genesis 18:8

Abraham do ona isin akatʼ jel sãote toa ar dahe hõe ematʼkoa. Ar tinreko jojomkan tahẽkana unre Abraham do onko sorre dare buṭạreye teṅgo akan tahẽkana.

Johan sodor 14:20

Ado nagraha bahrere darkha lelen kunḍre darkha jo len hoyen khan ona khon mãyãm oḍokena ar sadomkoakʼ jhin hạbicʼ rakapʼena. Onate pe sae mail hạbicʼ mãyãm do ạtu oḍokena.

Numeri 18:12

“Israelko do akoakʼ pạhil rakapʼakʼ khon bhage utạrakʼ jạitun sunum, nãwã darkha rasa ar anaj oka do Probhu Isor ńutumteko em ona jotowakʼ do amiń ematʼmea.

Jobakʼ 29:6

Ińakʼ taṛam horre toage ạtukʼkan tahẽkana, ar huṭupʼ dhiri khon do jạitun sunum reakʼ jharnage bhumbuk oḍokokʼkan tahẽkana.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Hosea 11:4

Iń do daya reakʼ baberte ar dulạṛ reakʼ tonolteń calaoetʼko tahẽkana; onkoakʼ taren khon arãṛiń ocokʼkeda ar eṅgotʼkateń jom ocoyetʼko tahẽkana.