Dosar Biboron 32:11 - সান্তালী বাইবেল

¹¹ Pajhaṛ cẽṛẽ acʼakʼ tukại ebhenetʼtae hoponko cetanre phạ̃kṛạ̃kʼe phad phadaoetʼtaea, ar cetʼleka onko cetanre uni do lap lapae uḍạukʼkan, ar cetʼleka onko rakapʼko lạgitʼ acʼakʼ phạ̃kṛạ̃kʼe lap lapakakʼkan, ar cetʼleka acʼakʼ phạ̃kṛạ̃kʼte onkoe gugu idiyetʼko.

Dosar Biboron 32:11 Referans Kwoze

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Jesaea 46:4

Apeakʼ haṛam pạṛiạ hạbicʼ hõ iń doń ini kangea ar apeakʼ bohokʼ upʼ pạnḍukʼ hạbicʼ hõ apeń ghõṛapea, Ińgeń benao akatʼpea, ar ińgeń heo pea; ińgeń ghõṛapea ariń rukhiyạpea.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jesaea 40:31

menkhan Probhu Isorre okoe asko dohoyetʼ onko do nãwã daṛeko ńama. Pajhaṛ cẽṛẽ leka onko do phạ̃kṛạ̃kʼ hotete coṭteko uḍạukʼa; onko doko dạṛ idiya ar bako laṅgakʼa, taṛamako ar bako nijorokʼa.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Ibriko 11:3

Ar biswạs hotetege bon bujhạu daṛeakʼ kana je, Isorakʼ moca reakʼ kathate noa dhạrti do sirjạulena. Onate bujhạukʼ kana, abo okaṭakʼ bon ńel ńametʼkan ona do jãhãn ńelakʼ jinis khon do baṅ sirjạu akana.

Jesaea 31:5

Manḍraokʼkan cẽṛẽ leka, phạdkoren Probhu Isor do Jerusaleme aḍ bańcaoa. Uni do onae aḍa are rukhiyạya, onae tạnkhiya are bańcaoa.

Johan sodor 12:14

Unre uni maejiu do maraṅ okocʼ mitʼṭen pajhaṛakʼ barea phạ̃kṛạ̃kʼe emocoyena jemon hahaṅkarte acʼakʼ jaegateye uḍạu calao daṛeakʼ. Ar onḍe uni do bińakʼ mẽtʼãhã samaṅ khon danaṅre pe bochor tala hạbicʼe ạsul ocokʼa.

Genesis 1:2

Unre dhạrti do nonkan muṭhạn bae ńamakatʼ tahẽkana, onare jiwiyanakʼ mente jãhãnakʼ cetʼge baṅ tahẽkana; ar ńut do athantar dakʼ cetanre tahẽkana. Ar Isorren Jiu do ona dakʼ cetanreye manḍrao baṛaekan tahẽkana.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”

Sereńko 18:10

Uni do Kerubre decʼkateye uḍạu hecʼena, ar hoe reakʼ phạ̃kṛạ̃kʼteye ạphir hecʼena.

Jirimiạ 13:11

Hoṛko cetʼleka ḍanḍare jhaṅgako horog onkage iń do goṭa Israel ar Jihudạren sanam hoṛko ińreń jalatʼ ocoletʼkoa, jemon onko do ińakʼ ńutumko sarhaotiń arko manotiń ar ińren hoṛko hoyokʼ, menkhan onko do ińakʼ katha bako ańjomleda.

Hosea 11:3

Ińge Ephrayim do taṛamiń cetʼade tahẽkana, ińgeń hewekan tahẽkana; menkhan uniren hoṛko do bako bujhạuleda, ińge onko doń bogeletʼkoa mente.