Dosar Biboron 30:9 - সান্তালী বাইবেল

⁹ “Unre aperen Probhu Isor do sanamakʼteye bhạlạiypea. Uni do kạmikoreye bhorapea ar aperen hopon ar hoponerakoe saṅgekoa, mĩhũ-meromkoe bạḍ ocokoa ar jumi reakʼ phosole ḍher ocoytapea. Aperen hapṛamko cetanre uniyakʼ oka rạskạ tahẽkan ape cetanre hõ ona rạskạ iạtegeye bhạlạiypea.

Dosar Biboron 30:9 Referans Kwoze

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Dosar Biboron 28:4

“Ar bhorpe ńamte apeakʼ gharońjren hopon ar hoponerako hõ bhoranko hoyokʼa, ar apeakʼ khet baṛgere ḍher phosol hoyokʼtapea ar mĩhũ- merom ar bhiḍiko hõ ḍherko bạḍokʼtapea.

Johan 15:11

Noako kathań menkeda jemon ińakʼ rạskạ do apeakʼ ontorre tahen ar apeakʼ rạskạ purạukʼtape.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Jirimiạ 31:28

Cetʼleka onkoń or totʼko, ariń rạputʼ giḍiko ariń lebda giḍikako ar onko cetanre ḍahao marao ar muhin ạgui reakʼ nońjoriń doholetʼ onkage onko benao rakapʼko ar cara leka rohoe aroko secʼhõ nońjoriń dohoyeda.

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Levitikus 26:6

“Unre iń do disạmre sulukiń emokʼa. Ar suluktepe jạpitʼjoṅa; okoe hõ bako botor ocopea. Iń do disạm khon kaṭaha janwarkoń laga ńirkoa. Cele palṭonge apeakʼ disạmre do bako cahṭao daṛeakʼa.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Dosar Biboron 30:8

Unre ape do arhõ Probhu Isorakʼpe bataotaea ar uniyakʼ okako hukum teheń iń emapekan onape manaoa.

Jirimiạ 31:27

Probhu Isore meneda, “Okte hijukʼ kana one unre iń do Israelko ar Jihudạren hoṛko ar janwarko itạ lekań erkoa.

Dosar Biboron 7:14

Ape do eṭakʼ hoṛko khon ḍher bhorpe ńama. Aperen okoe hõ bạńjhi do bako tahena ar aperen ạsul janwarko hõ bańjhi do bako tahena.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.