Dosar Biboron 30:6 - সান্তালী বাইবেল

⁶ Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Dosar Biboron 30:6 Referans Kwoze

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana.Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

1 Johan 4:7

Dulạṛiạ gidrạko, abo mimitʼko jemon bon dupulạṛ, ente dulạṛ do Isor ṭhen khonge hijukʼkana. Okoeyakʼ ontorre dulạṛ menakʼtako, onko do Isor khongeko janam akana ar Isorko baḍae akadea.

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Mathae 22:37

Jisu do uniye metadea, “Sanam khon maraṅ ar jạruṛokʼakʼ hukum do hoyokʼ kana,

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

1 Korinthiko 8:3

Menkhan okoe Isore dulạṛede kan, Isor do eken unigeye baḍaeyede kana.

Romiko lạgitʼ Pạul Apostolakʼ ciṭhi 11:26

Nonkate joto Israelko do bańcaoko ńama. Sonot sostorre olakana; Sion khon babańcaoicʼe hijukʼa; uni do Jakob bõsren hoṛko tala khon, bedhoromkoe ocokʼ giḍiya.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Exodus 20:6

Menkhan okoe ińko dulạṛiń ar ińakʼ hukum lekako calakʼ, onko do hajar piṛhi hạbicʼ iń dayawakoa.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Levitikus 18:5

Ińakʼ niạm ar ạn-ạriko manao hoyokʼtapea, ente okoeye manaoa uni do ona hotetege jiwetʼe tahena. Iń kangeạń Probhu Isor do.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.