Dosar Biboron 30:16 - সান্তালী বাইবেল

¹⁶ Teheń ape ṭhen ińakʼ hukum do noage, aperen Probhu Isorpe dulạṛea, uniyakʼ hortepe calakʼa ar uniyakʼ hukum ar niạmkope manaotaea. Enḍekhan ape do jiwetʼpe tahena ar lekhatepe saṅge idikʼa, ar okaṭakʼ disạm dokhol lạgitʼpe senokʼkan onḍe aperen Probhu Isor do apeye bhorapea.

Dosar Biboron 30:16 Referans Kwoze

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Johan 14:21

Okoe ińakʼ hukumkoe baḍaekan ar onakoe manaoetʼkan unige iń doe dulạṛedeńa.” Ar okoe ińe dulạṛedeń ińren Baba hõ uniye dulạṛea. Iń hõ uniń dulạṛea ar uni ṭheniń sodorokʼa.

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

1 Korinthiko 7:19

Khatna ar bin khatna do cetʼ hõ baṅkana, menkhan Isorakʼ hukum dohoege asolakʼ kana.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Dosar Biboron 30:17

“Menkhan apeakʼ ontor uni khon ocogokʼtape ar uniyakʼ bape bataotae ar eṭakʼ debotako ṭhenpe ḍobog arpe sewawako,

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Josuạ 23:11

Onate aperen Probhu Isorakʼ dulạṛ reakʼ purạte moneyakʼpe.