Dosar Biboron 30:1 - সান্তালী বাইবেল

¹ “Apeko samaṅre oka bhor ar sarapiń sodorketʼ ona sanamakʼge ape cetanre hijukʼa. Ona tayom Probhu Isor okoe jạtrenko talare tinreye chirchạturpea ar onko talarepe girobasokʼa unre ape do noako kathape moneyakʼa.

Dosar Biboron 30:1 Referans Kwoze

Dosar Biboron 30:15

“Ńelpe, teheń ape samaṅre okań sodoretʼ ona do Jion se bhạlại ar Gujukʼ se bin bhạlại reakʼ kangea.

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Dosar Biboron 29:28

Uniyakʼ raṅgao ar botoranakʼ jolokʼkan edre iạte onko do disạm khone or totʼ akatʼkoa ar eṭakʼ disạmreye giḍiakatʼkoa, ar teheń hạbicʼ hõ onḍege menakʼkoa.’

Luk 15:17

“Ado mitʼ din cetao hecʼadeteye menkeda, ‘ạpuńren unạkʼ unạkʼ gutiko do sareṛokʼ leka jomakʼko ńameda, menkhan iń do nonḍe reṅgecʼteń gujukʼkana.

Jeheskel 18:28

Uni do acʼakʼ behok reakʼ katha hudiskate ona khone ruạṛ akante khạṭigeye bańcaokʼa, ar bae gujukʼa.

Jesaea 46:8

E kạiyanko, niạ katha disạ dohoype ar moneyakʼpe.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Jirimiạ 8:3

Okareń sạṅgiń giḍikako onḍe onko dusṭạmi jạtren sarecʼ jiwetʼ tahen hoṛ do jion khon morongeko kusiyakʼa. Noa katha do phạdkoren Probhu Isorgeye roṛeda.”

Genesis 4:14

Teheń am do jumi khonem lagayediń kana, ar amakʼ mẽtʼãhã samaṅ khoniń danaṅokʼa. Ar dhạrtireń ạcur baṛaere jãhãe samaṅregeń paṛaokʼ unige iń doe gojeńa.”

Dosar Biboron 32:36

Probhu Isor tinreye ńela, acʼren hoṛkoakʼ daṛe do caba akana, guti se sạdhin okoeyakʼ daṛege bạnukʼa, unre uni doe acʼren hoṛko sejokʼa, ar acʼren gutiko cetanreye mãyãkʼa.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jirimiạ 29:14

Ape dope baḍaeyińạ, ar iń do apeakʼ bondi dosa khoniń ruạṛ ạgupea. Okoe jạtrenko ar ṭhạ̃ireń sạṅgiń akatʼpe onḍe khon iń doń samṭao jarwapea. Ar okaṭakʼ ṭhạ̃i khon bondikateń idi ocoletʼpe iń do onḍegeń ạgu ruạṛpea. Iń Probhu Isorge noa katha doń meneda.”

Dosar Biboron 28:28

Uni do koṅka-kuṅki, kãṛã ar andmandteye ńẽtʼpete ạḍiye kosṭo ocopea.

Dosar Biboron 29:27

Onatege Probhu Isorakʼ edre do noa disạm cetanre jol rakabokʼ kana ar noa puthire olakʼ sanamakʼ sarapko do noa disạm cetanreye dul akada.

1 Rapajko 8:34

unre serma khon onkoakʼ ańjomtakome ar onkoakʼ kạiko ikạitakome ar okaṭakʼ disạm onkoren hapṛamkom ematʼko tahẽkan onḍe baṛe arhõ ruạṛ ạgukom.

2 Bõsbudạ 30:9

Probhu Isor ṭhenpe ruạṛ hijukʼ enḍekhan aperen boehako, aperen hopon ar hoponerako okoe doko bondi idiakatʼko onko cetanre daya hecʼakoa. Unre onko do niạ disạmteko ruạṛ hecʼ daṛeakʼa, ente aperen Probhu Isor do daya ar mãyãteye perecʼgea. Uni ṭhenpe ruạṛ hecʼlen khan uni do bae dea giḍikapea.”

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Sakariạ 10:9

Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.