Dosar Biboron 3:9 - সান্তালী বাইবেল

⁹ Hermon do Sidonren hoṛko Sirion ar Amoriko do Senirko metakʼkana.

Dosar Biboron 3:9 Referans Kwoze

Sereńko 29:6

Lebanon buru do mĩhũ lekae don ocoyeda, 6 ar Sirion buru hõ bir ḍaṅgra lekageye don ocoyeda.

1 Bõsbudạ 5:23

Manase gusṭiren adha hoṛko do Bason khon Bakʼal-Harmen, Senir ar Harmen buru hạbicʼ oka jaegareko tahẽkan onḍe girobasokʼko ehopʼena. Onko do lekhare ạḍi ḍherko tahẽkana.

Jeheskel 27:5

Senir ṭoṭha khon onko do saro dare reakʼ toktako benao akada; ar amakʼ badam khunṭi lạgitʼ do Lebanon khon debdạru dareko ạguakada.

Soros sereń 4:8

E bạhutiń, dela iń sãote Lebanon khon hijukʼme, Lebanon khon iń tulucʼge dela hijukʼme. Amana reakʼ cuṛạ khon, Senir ar Hermon buru reakʼ muthni khon, dhạcri kulkoakʼ dander khon, poṭea tạrupʼkoakʼ buru khon dela pheḍ hijukʼme.

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.