Dosar Biboron 3:8 - সান্তালী বাইবেল

⁸ “Ona jokhecʼ abo do Arnon gaḍa khon Hermon buru hạbicʼ jordan gaḍa purub secʼ reakʼ jaegako do nukin banar Amorikoren rajakʼ ti khon bon recʼ hataoan tahẽkana.

Dosar Biboron 3:8 Referans Kwoze

Josuạ 12:1

Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana.

Josuạ 13:8

Manase gusṭiren adha hoṛko, Ruben ar Gad gusṭiren hoṛko do jordan gaḍa purub secʼ reakʼ jaegako do sompotti lekate laharegeko ńamakatʼ tahẽkana. Probhu Isorren guti Mose do onko lạgitʼ ona jaegageye ṭhik dohoakatʼ tahẽkana.

1 Rapajko 4:19

Geliadre, metakʼme Emorikoren Sihon raj ar Basonren raj Ogakʼ disạmre do Uri hopon Geber. Niạ ṭoṭhare do unige acʼ eskar cakʼlaoyicʼe tahẽkana.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Dosar Biboron 4:47

Onko do Sihon ar Basonren raj Ogakʼ disạmko ạidạriana. Amorikoren nukin rajakʼ rajosṭi do jordan gaḍa reakʼ purub secʼre tahẽkana.

Dosar Biboron 4:48

Arnon otet aṛe reakʼ Aroer nagraha khon Sion buru, metakʼme Hormon buru hạbicʼ noakin rajosṭige tahẽkana.

1 Bõsbudạ 5:23

Manase gusṭiren adha hoṛko do Bason khon Bakʼal-Harmen, Senir ar Harmen buru hạbicʼ oka jaegareko tahẽkan onḍe girobasokʼko ehopʼena. Onko do lekhare ạḍi ḍherko tahẽkana.

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.