Dosar Biboron 3:24 - সান্তালী বাইবেল

²⁴ ‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Dosar Biboron 3:24 Referans Kwoze

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Dosar Biboron 11:2

Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

2 Samuel 7:22

E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”

Jirimiạ 10:6

E Probhu Isor, am leka do okoehõ bạnukʼkoa; am dom maraṅgea, ar amakʼ daṛe hõ maraṅgetama.

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Sereńko 145:6

Hoṛko do amakʼ botoranakʼ hahaṛa daṛe kạmi reakʼ kathako roṛa, ar iń do amakʼ maraṅtetʼ iń lại sodora.

Sereńko 106:2

Probhu Isorakʼ bhage kạmi reakʼ do okoe haleye lại daṛekea? Uniyakʼ joto sarhao do okoeye ańjom ocoketaea?

Sereńko 89:8

E Probhu, sanam daṛean Isor, okoe menaea am lekan daṛeanicʼ do, E Probhu? Amakʼ pạtiạrtetʼge am doe esetʼ ạcur akatʼmea.

Sereńko 89:6

Sermare nonkan cele menakʼkoa okoe do Probhu Isor sãoteye jurikokʼa? Serma goḍetko modre Probhu Isor soman do okoe menaea?

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Dosar Biboron 3:23

“Ar onako dinre iń do Probhu Isor ṭhen nẽhorenteń menkeda,

Dosar Biboron 32:3

Iń do Probhu Isorakʼ ńutumiń jạhirtaea. Ape do aboren Isorakʼ ṭhonok reakʼ sarhaotaepe.

2 Bõsbudạ 6:14

“E Probhu Isor, Israelkoren Isor, coṭ sermare se latar otre am lekan do ar cele Isorge bạnukʼkoa. Amren gutiko okoe do mon ar ontorte amakʼ horteko calakʼ onko secʼ amakʼ asambheṛ dulạṛ reakʼ bondobos baṛe rukhiyại me.

Sereńko 150:2

Uniyakʼ daṛete perecʼ kạmi iạte uniyakʼ sarhao hoyokʼtaema, ar uniyakʼ bin mucạtʼ mãyã iạte uni sarhaoepe.

Numeri 23:23

Jakob cetanre jãhãn gonokko do ohoge cahṭao daṛelena; Israelko cetanre jãhãn mantar hõ ohoge cahṭaolena. Jakob, metakʼme Israel reaṅ do ńitokʼ noa katha menogokʼa, ‘Isor okae ceka akatʼ ona ńelme.’