Dosar Biboron 3:20 - সান্তালী বাইবেল

²⁰ Probhu Isor tinạkʼ din ape leka aperen boehako jirạukʼ reakʼ ạt bae emako ar jordan gaḍa hanasare okaṭakʼ disạm aperen Probhu Isor do onkoe emako lạgidokʼkan ona ạuriko ạidạri joṅ hạbicʼ ape do lạṛhạitege tahen hoyokʼtapea. Ar ona tayom do noa jaegape emocokʼa ar nonḍepe ruạṛ hecʼ daṛeakʼa.’

Dosar Biboron 3:20 Referans Kwoze

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 22:8

“Ape do ạḍi utạr mĩhũ-merom, sona, rupạ, pitạl, mẽṛhẽtʼ ar aema kicricʼ khạnḍwạkʼ ar dhonko hoyakantapea. Ńitokʼ ape do noako idiyte ruạṛ senokʼpe. Ar aperen bạiriko ṭhen khonpe luṭ akatʼ jinisko aperen boehako hõ hạṭińakope.”

Numeri 32:22

enḍekhan Probhu Isor gobolre disạm hecʼlen tayom ape dope ruạṛ calao daṛeakʼa ar unre Probhu Isor ar Israel jạtrenko cetan reakʼ dạyik khon rehaepe ńama; ar unre Probhu Isor samaṅre niạ jaega do apeakʼ sompottige hoyokʼa.

Dosar Biboron 3:21

“Onako dinre iń do Josuạń metadea, ‘aboren Probhu Isor do nukin raj cetanre okae cekaketʼ ona do amakʼ mẽtʼtegem ńelkeda. Ar okarepe calakʼkan onḍenakʼ sanam rajosṭiko reakʼ hõ Probhu Isor do onkageye hoeocoya.

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Numeri 32:18

Ar ale do Israelko akoakʼ sompotti ạuriko ńam hạbicʼ aleakʼ oṛakʼte bale ruạṛ hijukʼa.

Josuạ 22:9

Onate Probhu Isor Mose okaṭakʼe hukumade tahẽkan onkage Ruben ar Gad gusṭirenko ar Manase gusṭiren adha hoṛ do apnar lạgitʼ okako jaegako ńamletʼ ona Gilead ṭoṭhate ruạṛ calakʼ lạgitʼ Kanan disạm reakʼ Silore Israelko ṭhen khon bidạko hataokeda.