Dosar Biboron 3:10 - সান্তালী বাইবেল

¹⁰ Ar onako bilạn ṭạnḍi reakʼ sanam atoko ar nagrahako, goṭa Gilead ṭoṭha ar Basonren raj Ogakʼ rajosṭi Salka ar Edre hạbicʼ goṭa Bason disạmge abo dobon dokholkeda.

Dosar Biboron 3:10 Referans Kwoze

Josuạ 13:31

Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.

Dosar Biboron 4:49

Onakin modre jordan purub secʼ goṭa Araba ṭoṭha hõ tahẽkana. Noa do Pisga buru dhasna latar menakʼ doreão hạbicʼ sen akana.

Numeri 21:33

Ona tayom onko doko ạcurente Bason disạm reakʼ ḍaharteko laha idiyena. Unre Basonren raj Og ar uniren lạṛhại phạdko oḍok hecʼente onko sãote lạṛhại lạgitʼ Edrei nagrahareko seṭerena.

1 Bõsbudạ 5:11

Gad gusṭiren hoṛko do Rubenrenko aṛe Bason disạm reakʼ Solkha hạbicʼ reakʼ jaegakoreko girobasokʼkan tahẽkana.

1 Rapajko 4:13

Ramot Geliadre do Bin-Geber. Uni do Geliad Manasiren hopon Jayir reakʼ sanam ato ar Bason reakʼ Argab ṭoṭharen cakʼlaoicʼe tahẽkana. Argab ṭoṭha do pạcrite esetʼ ṭoṭha tahẽkana ar Rupạ reakʼ hurkạṛakʼ duạr sudhạ maraṅ maraṅ turuigel goṭecʼ atokoge.