Dosar Biboron 28:8 - সান্তালী বাইবেল

⁸ “Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.

Dosar Biboron 28:8 Referans Kwoze

Dosar Biboron 15:10

Ar monre haso dohokate do alope emaea; enḍekhan Probhu Isor do apeakʼ sanam kạmireye bhorapea ar jãhãnakʼrege hatpe lagao onaregepe jo bahakʼa.

Levitikus 26:10

Nãwã anaj dohoy lạgitʼ murạikoko khạliy jokhecʼ hõ laha bochor reakʼ anaj khonge apeakʼ jomakʼ do hoyokʼa.

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

Luk 12:18

Adoe menkeda ińakʼ murạikoń rạpuda, ar lạṭu lạṭu murạikoń benaoa ar onare ińakʼ sanam phosolko ar dhonkoń dohoytińạ.

Mathae 6:26

“Coṭren cẽṛẽko beṅgetʼakope; itạ hõ bako era ar ir hõ bako ira, ar golare hõ bako doho jarwaea, enrehõ aperen sermaren Baba doe jom ocoyetʼkoa. Ape do cetʼ onko khon bạ̃ṛti bape damangea?

Sereńko 42:8

Sińre Probhu Isor do acʼakʼ asambheṛ dulạṛ ińreye duleda; ar ńindạ do jionren Isor ṭhen ińakʼ koejoṅ ar uniyakʼ sarhao sereńge ińren gate doe hoyokʼkana.

Levitikus 25:21

Enḍekhan turuiyakʼ bochorre iń do nonkań bhorapea jemon pe bochor hạbicʼ phosol calakʼtape.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Sereńko 144:13

Aleakʼ murạiko do joto lekan jomakʼte perecʼ tahenma; ar aleren bhiḍiko do gupi ṭạnḍire hajar hajar ar lakh lakh hoponko janamko ma.

2 Rapajko 6:27

Raje roṛ ruạṛkeda, “Probhu Isor bae goṛowạń khan iń do cekateń goṛowama? Khạrại khon, se darkha lelenḍ kunḍ khon?”

Mathae 13:30

Phosol belekʼ hạbicʼ mitʼ dhaote hara ocoakʼpe. Unre samṭao jokhecʼ phosol samṭaokoń metakoa, pạhilre sama ghãs jarwa maṛaṅpe ar ạṭikate begarpe seṅgelre atar giḍi lạgitʼ, menkhan guhum do ińakʼ golare ạgu jarwaepe.’ ”

Sereńko 44:4

E Isor, ińren raj do amge; Jakobakʼ jitạukʼ reakʼ do amgem bebosta akada.

Dosar Biboron 15:4

Aperen Probhu Isorakʼ kathare batao akanpe tahen ar teheń okako hukumiń emapekan ona reakʼpe moneyakʼ, enḍekhan ape modre okoehõ bape reṅgejokʼa, ente sompotti lekate okaṭakʼ disạm aperen Probhu Isore emape lạgidokʼkan uni do onḍe ạḍiye bhorapea.

Dosar Biboron 28:7

“Bạiri lekate okoe ape upạrteko teṅgokʼ onko do Probhu Isorgeye nonkakoa jemon ape ṭhenko bhagao ocokʼ. Onko do mitʼ horte apere jhãpko ema menkhan eae horteko dạṛ pạnḍuja.

Dosar Biboron 28:20

“Bạṛicʼakʼko kạmi iạte Probhu Isor do apeakʼ sanam kạmireye sarap apea, uni do ḍamaḍol ar nisṛạuge apereye kola, ar onatepe heṛ idikʼa ar thoṛa okte khangepe marao utạrokʼa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 128:2

Am do apnar tite khaṭaoakʼ reakʼ jogeye joma ar sukem ńama ar bhạlại hoyokʼtama.