Dosar Biboron 28:53 - সান্তালী বাইবেল

⁵³ “Arko gherao ạcurakatʼpe oktere bạiriko nonka kosṭoreko paṛao ocopea, unre ape do aperen hoponkope jomkoa, metakʼme aperen Probhu Isore emakawatʼpe aperen hopon ar hoponerakoakʼ jelpe joma.

Dosar Biboron 28:53 Referans Kwoze

Rak̕joṅ 4:10

Mãyãwan maejiuko do akoakʼ tite akoren hoponko teke isinetʼkoa. Ińren hoṛkoren hoporeawakʼ jarkharokʼre akoren hoponge onkoren jomakʼko hoylentakoa.

Rak̕joṅ 2:20

E Probhu Isor, ma beṅgedme, ar hudisme, am do okoe cetanrehõ nonka do bam beohar akada? Maejiuko do cetʼ akoren hoponko jomkoa one onkoko joton harayetʼko? Probhu Isorakʼ sonot ṭhạ̃ire do cetʼ naekeko ar nạbikoko gocʼ ocokʼa?

Jirimiạ 19:9

Onkoren bạiriko, metakʼme onkoakʼ jiwi sendrako do tinre onkoko gherao esetʼkoa un reakʼ ona kosṭokʼ oktere iń do onkoren hopon ar hoponerakoakʼ jeliń jom ocokoa ar mitʼke mitʼ hoṛ do ako aḍepaseren hoṛkoakʼ jelko joma.’

Levitikus 26:29

Unre reṅgecʼte aperen gidrạkoakʼ jelpe joma.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Dosar Biboron 28:55

Uni do acʼren hoponkoakʼ jele joma ar thoṛa hõ bae emokʼa, ente bạiriko tinre apeakʼ ato se nagraha gheraokate kosṭoreko paṛao ocopea unre noa chaḍa ar uni ṭhen do cetʼ jomakʼge baṅ tahena.

Mathae 24:19

Unre bhạrti hoṛmoanko ar gidrạ nunuako kan onkore do hae hae!

Dosar Biboron 28:18

“Ape hõ Sarapankope hoyokʼte apeakʼ gharońjre hopon ar hoponerako hõko komaokʼa, khetre phosol hõ komaokʼa, mĩhũ-meromko ar bhiḍiko hõ komgeko hoponokʼtapea.

Dosar Biboron 28:54

Unre ape talare okoe dulạṛteye hara akana are sukhi hoṛkan, uniyakʼ ontorre hõ boeha se acʼren dulạṛiạ bạhutae se acʼren hopon ar hoponerakore mãyã baṅ hecʼaea metakʼme jãhãn jomakʼ hõ bae em hạṭińakoa.