Dosar Biboron 28:10 - সান্তালী বাইবেল

¹⁰ Unre dhạrtiren sanam jạtrenko ńela, Probhu Isorakʼ ńutum iạtege apeakʼ oprom do hoyokʼa, ar onate apeko botorapea.

Dosar Biboron 28:10 Referans Kwoze

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

Dosar Biboron 11:25

Jãhãn jạtrenge ape samaṅre bako teṅgo daram daṛeapea. Ar ona disạmre jãhãtegepe calakʼ aperen Probhu Isor do acʼakʼ gokʼakʼ lekate onḍenko hoṛkoakʼ monre ape reaṅ mitʼṭen botore caṛhao ocoytakoa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

1 Bõsbudạ 14:17

Nonkate Dạudakʼ ńutum do goṭa disạm pasnao idiyentaea, ar Probhu Isor do sanam jạtrenko talare uni reaṅ mitʼṭecʼ botore rakapʼ ocoketʼtakoa.

Numeri 6:27

“Nonkage onko do Israelko cetanre ińakʼ ńutumko ńuma, ar iń do onkoń bhorakoa.”

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Exodus 14:25

Ona chaḍa uni do rãt gạḍiko reakʼ pạihạ̃ko hõe totʼgiḍikatʼ takoa; onate rãt gạḍi cakʼlao hoṛ do ạḍi kosṭo hoyen takoa. Unre misriko doko menkeda, “Dela, abo do Israelko bạgikate bon dạṛ joṅma, ente Probhu Isorge Israelko secʼ hoykate abo upạrteye lạṛhại kana.”

Exodus 12:33

Misriko hõko botorena, ente hoedaṛeakʼa onko hõko gujukʼa. Onate onko do Israelko usạrae lạgitʼko metatʼkoa jemon usạra disạm khonko oḍok calakʼ.

Jesaea 63:19

Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

Aposkạmi 15:17

Jemon eṭakʼ sanam hoṛko, metakʼme boṅgan hoṛ jạtrenko okoe do ińren menteko hoho ocokʼkan onko jemonko sendrayiń. Probhu Isor, okoe do noakoe kạmikan, unige noa katha doe menakada.’

Dosar Biboron 2:25

Teheń khon dhạrtiren sanam jạtrenko talare ape reaṅ mitʼṭecʼ botoriń caṛhao ocoytakoa. Onko do apeakʼ kathako ańjomle khan botorteko thar tharaokʼa ar ape iạte ạḍiko cintạkʼa.’

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.