Dosar Biboron 27:13 - সান্তালী বাইবেল

¹³ Ar tinre sarapakʼ reakʼ katha roṛogokʼa unre Rubenren, Gadren, Aserren, Sebulonren, Danren ar Napthali khũṭren hoṛko do Ebol buru cetanreko tahena.

Dosar Biboron 27:13 Referans Kwoze

Dosar Biboron 27:4

metakʼme jordan gaḍa parom tayom ińakʼ hukum leka Ebol burure ona dhirikope bereda ar cuntepe potaokakʼa.

Josuạ 8:33

Israelko ar onko talareko girobasokʼkan eṭakʼ jạtren hoṛko, onkoren mukhiyạko, kạmiyạko ar bikʼcạrko, metakʼme Israel somajren sanam hoṛko do Probhu Isorakʼ bondobos-sinduk reakʼ banarsa aṛereko teṅgo akan tahẽkana; onko do sinduk gogokʼ naekeko samaṅreko tahẽkana. Ar onkoren adha hoṛko do Gerisim buru samaṅre ar adha hoṛko do Ebal buru samaṅreko teṅgoyena. Probhu Isorren guti Mose do laharege noa kathae roṛletʼ tahẽkana tinre uni do Israelko bhorako reakʼ hukume ńamletʼ tahẽkan.

Dosar Biboron 11:29

Dokhol lạgitʼ ape okaṭakʼ disạmtepe bolo lạgidokʼkan ar aperen Probhu Isor tinre onḍeye idipea unre Gerisim buru cetan khon ona bhor reakʼ kathape lại sodora ar sarapakʼ katha do Ebal buru khonpe lạiya.

Genesis 30:20

Unre Lea doe menkeda, “Isor do mitʼṭecʼ mońj dane emakawạdińa. Ńit khon ińren jãwãe doe manotińạ, ente ińakʼ kukhire uniren turui goṭen gidrạń janam akatʼkoa.” Noa menkate uni do gidrạwakʼ ńutum do Sebulone dohoketʼa (metakʼme “Manot”).

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Dosar Biboron 27:12

“Jordan gaḍa paromkate tinre Probhu Isorakʼ ạsirbad reakʼ katha roṛogokʼa unre Simeonren, Liwiren, Jihudạren, Isakarren, Josephren ar Benjamin khũṭren hoṛko do Gerisim buru cetanreko tahena.

Dosar Biboron 27:14

“Ar Liwiko do sanam Israelko samaṅre ãṭ aṛaṅte noa kathako mena;