Dosar Biboron 26:9 - সান্তালী বাইবেল

⁹ Uni do nonḍeye ạguketʼbona ar toa-dumur rasate perecʼ noa disạme ematʼbona.

Dosar Biboron 26:9 Referans Kwoze

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Jeheskel 20:15

Ona chaḍa ona hahaṅkarrege onko ṭheniń kiriạyena, iń emakʼ disạmge one okaṭakʼ disạmre toa, dumur rasa ar jãhãnakʼ reakʼ okulạnge bạnukʼ, okaṭakʼ disạm do sanam disạmko khon soros utạrge ona disạmte do bạń idikoa.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).

Josuạ 23:14

“Dhạrtiren sanamko okaṭakʼ horte senokʼ hoyokʼtako ona horte iń hõ ńitokʼ doń senokʼ kana. Ar noa katha do bhagegepe baḍaea, aperen Probhu Isor bhạlạiype reakʼ okae gokʼ akawatʼpe ona reakʼ mitʼṭecʼ hõ baṅ ạuṛiyakʼ akana. Mitʼke mitʼ gokʼakʼ do purạu akana, ar baṅ puruạuakʼ do mitʼṭecʼ hõ bạnukʼanaṅ.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Dosar Biboron 26:15

E Probhu Isor, amakʼ sonot tahen ṭhạ̃i khon baṛe beṅgedme ar amren hoṛ baṛe beṅgetʼakome, metakʼme Israelko baṛe bhoraleme. Aleren hapṛamko ṭhen amakʼ gokʼakʼ lekate toa ar dumur rasate perecʼ okaṭakʼ disạmem emakawatʼle noa disạm hõ bhorakʼtaleme.’

Dosar Biboron 27:3

ar onako cetanre ạn-ạri reakʼ kathakope ol dohokakʼa. Aperen hapṛamkoren Probhu Isor do acʼakʼ gokʼakʼ leka toa ar dumur rasate perecʼ okaṭakʼ disạmteye idipe lạgidokʼkan onḍepe bololen tayom,

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.