Dosar Biboron 26:8 - সান্তালী বাইবেল

⁸ Onate acʼakʼ keṭecʼ ti ar tiạrakatʼ sopote ar maraṅ botoranakʼ kạmite, cinhạkote ar hahaṛa kạmikoe udukʼatʼbonte Misor disạm khone oḍok ạguketʼbona.

Dosar Biboron 26:8 Referans Kwoze

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 5:15

Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Dosar Biboron 34:11

Probhu Isor do Mose hotete Misor disạmre Pharao raj ar uniren kạmiyạko ar uniyakʼ goṭa disạm cetanre okako hahaṛa kạmi ar cinhạkoe kolletʼ onka do celege bako daṛeakawada.

Dosar Biboron 34:12

Ar sanam Israelkoakʼ mẽtʼãhã samaṅre Mose okaṭakʼ maraṅ daṛeye udukʼletʼ se okako botoranakʼ kạmikoe kạmiletʼ onka do celege tishõ bako kạmi daṛeakawada.

Jirimiạ 32:21

Am do cinhạ ar hahaṛawakʼ kạmikom udukʼ akada ar daṛe ar ektiạri perecʼ ti tiạrkate botoranakʼkote amren hoṛ Israelko onḍe khonem oḍok ạguletʼkoa.