Dosar Biboron 26:6 - সান্তালী বাইবেল

⁶ Menkhan Misorren hoṛ do abo sãote bhage bako beoharleda. Onko do ạḍi kosṭoko ematʼbon tahẽkana ar abo cetanre hamal bojhako ladeyatʼ bon tahẽkana.

Dosar Biboron 26:6 Referans Kwoze

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 1:14

Khet reakʼ eṭakʼakʼ kạmi sãote onko cetanre cun suṛki ar iṭạ reakʼ hamal kạmiko ladeatʼkoa ar onkoakʼ jiwiko haṛhãtʼ cabaketʼtakoa. Onko do jor julumkate joto lekanakʼ kạmiko kạmi ocoketʼkoa.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Exodus 5:23

Pharao ṭhen amakʼ ńutum roṛ tayom khon noko hoṛko cetanre muhin do hecʼ paṛao akana. Ar amren hoṛ do okorem rukhiyạletʼkoa?”

Exodus 5:19

Unre Israelren cakʼlaoko doko bujhạukeda, onko do muhinreko paṛao akana, ente onko doko men ocolena lahate din hilokʼ tinạkʼkate iṭạko benaoetʼ tahẽkan ńitokʼ hõ ṭhik unạkʼ katege benao lagao akoa.

Exodus 5:9

Ape do onkore arhõ hamal kạmiko ladeakope, jemon eṛe kathare lutur baṅkate kạmire lạgiyạ paṛao akanko tahen.”

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 1:16

“Gidrạ janamko oktere Ibri maejiuko goṛowako jokhecʼ ben ńelkoa onko do koṛa hopon se kuṛi hoponko janametʼkoa; ar koṛa hoponko hoylen khan onko doben gocʼkoa ar kuṛi hopon do jiwetʼ ben dohokoa.”

Exodus 1:8

Tayomte Misor disạm reakʼ sanam ektiạri do nonkan mitʼṭen nãwã rajakʼ tire paṛaoena okoe do Joseph reaṅ cetʼge bae baḍaekan tahẽkana.

Dosar Biboron 26:7

Unre abo do aboren hapṛamkoren Probhu Isor ṭhen bon rakʼleda. Ar uni do aboakʼ rakʼjoṅakʼe ańjomketʼtabona ar aboakʼ harkhet sasete ńelkeda; ar cetʼleka bon santao ocokʼkan ona hõe ńelkeda.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.