Dosar Biboron 26:5 - সান্তালী বাইবেল

⁵ Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Dosar Biboron 26:5 Referans Kwoze

Dosar Biboron 10:22

Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Genesis 46:27

Misor disạmre Josephren okoekin hoponkin janamlen ar Jakobakʼ gharońjren okoe do Misorteko calaolen onko do jotote eaegel hoṛko tahẽkana.

Genesis 31:20

Ar Jakob do acʼakʼ calakʼ reakʼ katha Laban bae baḍae ocoledea.

Genesis 45:11

Am ar gharońjrenkoakʼ jemon jãhãn haron alo hoyokʼ onate iń do nonḍege amakʼ jom ńũ reakʼ iń bebostaea, ente akal do ńithõ mõṛẽ bochor hạbicʼ calakʼa.’

Genesis 45:7

Dhạrtire aperen bõsko jiwetʼ dohoko lạgitʼ ar ḍahao maraokʼ reakʼ ti khon bańcaokate apeakʼ jiwi rukhiyại lạgitʼge Isor do ape lahate ińe kol akadińạ.

Genesis 43:12

Ar soṅgete ṭaka hõ dobṛa idi toraepe, ente bostare oka ṭakae ruạṛatʼpe tahẽkan ona hõ ruạṛkatae hoyokʼa. Hoedaṛeakʼa hiṛińte onko do onako emlen tahẽkana.

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Aposkạmi 7:15

Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Hosea 12:12

Jakob do Aram disạmteye dạṛleda; ar Israel do bạhu ńame lạgitʼ din mạjur reakʼe kạmileda ar bhiḍi gupi kạmi hõe kạmileda.

Genesis 25:20

Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.

Genesis 24:4

Ona bodolte am do ińakʼ disạmtem calakʼa ar iń bõsrenko mod khon jãhãeṭakʼ kuṛige ińren koṛa Isahak lạgitʼem bachaoea.”

Dosar Biboron 7:7

“Eṭakʼ jạtrenko khonpe ḍherge iạte Probhu Isor do apeye dulạṛ akatʼpea seye bachao akatʼpea ona do baṅa, ente eṭakʼ jạtrenko khon apeakʼ lekha do thoṛagea.

Exodus 1:12

Menkhan Misorrenko do Israelko tinạkʼko santaoketʼko unạkʼge onko do lekhareko ḍher idiyena ar beṛhaeteko pasnao idiyena. Onate Misriko do Israelko iạte monre botor rakapʼatʼkoa.

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Genesis 47:27

Ar Israelko do Misor reakʼ Gosenre girobasokʼko ehopʼena. Onḍe onko do jaega-jumiko benaoana. Onkoren do ạḍi utạr hopon ar hoponerako hoyena ar lekhareko ḍher idiyena.

Genesis 31:40

Ạliń do siń cando reakʼ lolote ar ńindạ do rabaṅ iạte lin thakaolena, jạ̃pitʼhõ mońjte bạliń jạpitʼ daṛeakʼkan tahẽkana. Ar nonkage liń tahenkan tahẽkana.

Genesis 28:5

Noa menkate Isahak do Jakobe kolkadea, ar Jakob hõ Padan-Aramre Bethuelren hopon Laban ṭhene calaoena. Laban do Jakob ar Esauren eṅgattetʼ Rebekaren boehae tahẽkana.

Genesis 27:41

Jakob do acʼ baba ṭhen khon bhore ńamketʼ khan Esau ṭhen hiskạ ocokʼe ehopʼena. Uni do mone monteye menkeda, “Iń baba lạgitʼ rakʼjoṅ din do sor hijukʼ kana. Ar ona tayomge ińren boeha Jakob doń khũnea.”

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 47:4

Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Dosar Biboron 1:10

Aperen Probhu Isor do nunạkʼe saṅge ocoakatʼpea je, teheń ape do sermaren ipil lekape saṅge akana.

Dosar Biboron 26:4

Unre naeke do apeakʼ ti khon onako khạclạkʼ hataokate aperen Probhu Isorakʼ pinḍ samaṅreye dohoya.

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.