Dosar Biboron 26:2 - সান্তালী বাইবেল

² unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Dosar Biboron 26:2 Referans Kwoze

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Exodus 23:16

Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Jeheskel 44:30

Joto lekan phosol reakʼ pạhilre rakapʼakʼ khon bhageakʼ hĩs ar apeakʼ sanam sandesko do naekekoakʼ hoyokʼa. Apeakʼ nãwã holoṅ reakʼ pạhilakʼ hĩs ape do onkope emakoa jemon apeakʼ gharońj cetanre bhor tahen.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

1 Korinthiko 16:2

Ape mimitʼko hõ apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre dan uṭhạu alo lagaoape.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Romiko lạgitʼ Pạul Apostolakʼ ciṭhi 11:16

Sipiyakʼ holoṅ khon pạhil benaoakʼ piṭhạge sonotge khan enḍekhan ma sanam sipiyakʼ holoṅ hõ sonotge. Jạitun dare reakʼ rehetʼge sonotge khan ḍạrko hõ sonotgea.

Romiko lạgitʼ Pạul Apostolakʼ ciṭhi 8:23

Eken ona do baṅ, menkhan okaṭakʼ mạhima tayomte bon ńam, ona reakʼ pạhil jo lekate sonot Jiu ńamkate abo hõ apnarakʼ ontorre bon kũhrạukʼ kana. Ona sãote ona din lạgitʼ hõ ńel horre menakʼbona one tinre abo do Isorren hoponko mente bon sodor ocokʼ, metakʼme nonosṭoakʼ ti khon aboakʼ hoṛmo do sạdhinokʼ tabona.

Jeheskel 48:14

Liwiko ona jumi do bako ạkhriń daṛeakʼa se akoakʼ hĩs hõ bako bodol daṛeakʼa. Ona do joto khon bhageakʼ jumi kana ar eṭakʼkoakʼ tire ona emako do baṅ ganokʼa, ente Probhu Isor ńutumte ona do sonot akana.

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Dosar Biboron 16:10

Ar ona tayom apeakʼ kusiteakʼ samaṅokʼakʼte aperen Probhu Isor ńutumte eae hapta reakʼ porobpe porobokʼa. Ar aperen Probhu Isore bhor akawatʼpe leka niạ samaṅokʼakʼ jinispe emokʼa.

Exodus 34:26

Apeakʼ khet baṛge khon rakapʼakʼ pạhil phosol reakʼ bhage utạrakʼ hĩs do Probhu Isorakʼ oṛakʼtepe ạguiya. “Merom hoponakʼ jel do uniren eṅgatakʼ toa sãote alope isina.”

Johan sodor 14:4

Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.

Romiko lạgitʼ Pạul Apostolakʼ ciṭhi 16:5

Unkinakʼ oṛakʼre okoe do manḍerren lekate mitʼ ṭhenko jarwakʼkan onko hõ joharakope. Ińren dulạṛiạ gate Epaenetos hõ joharaepe, ente Asiạre unige pạhilte Mạsiye ataṅledea.

Jirimiạ 2:3

Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

2 Bõsbudạ 31:5

Niạ hukum oḍokokʼ são sãote Israelko do akoakʼ phosolko, nãwã darkha rasa, sunumko ar dumur rasa reakʼ pạhil hĩs ar khetre jãhãnakʼge hoyokʼ ona reakʼ pạhil hĩs onko do ạḍi ḍherko dankeda. Ona chaḍa onko do jotowakʼ reakʼ gel hạṭiń reakʼ mitʼ hạṭińko emena ar ona do ạḍi utạr hoyena.

2 Bõsbudạ 6:6

menkhan ńitokʼ do ińakʼ tahen oṛakʼ lekate Jerusalemiń bachaoana ar ińren hoṛ Israelko ḍanṭaoko lạgitʼ do Dạudgeń bachao akadea.’

2 Rapajko 4:42

Bakʼal Salisa khon mitʼṭen hoṛ do Isorren hoṛ lạgitʼ pạhil samṭaoakʼ phosol khon bargel goṭecʼ jao reakʼ piṭhạ ar ona sãote thoṛa thuṛi nãwã phosol hõe ạgu darakeda. Elisaeye menkeda, “Noa do jom lạgitʼ hoṛko hạṭińakome.”

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Dosar Biboron 18:4

Apeakʼ pạhil rakapʼakʼ phosol, nãwã darkha rasa, sunum, merom ar bhiḍikoakʼ pạhil getʼakʼ upʼ hõ naekepe emaea,

Levitikus 2:14

“Probhu Isor ńutumte samaṅokʼ lạgitʼ pạhil rakapʼakʼ phosol khon jãhãegeko ạgui enḍekhan ona nãwã gele ạgukate seṅgelrem ataea arem huṛuṅ gunḍạya.

Levitikus 2:12

Pạhilre rakabokʼ phosol samaṅ lạgitʼ khạmi ar rasa do Probhu Isor ṭhenko idi daṛeakʼa, menkhan oka samaṅokʼakʼ reakʼ jut so uniye kusiyakʼ onkan samaṅokʼakʼ lekate khạmi ar rasa do pinḍre alope jereda.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

1 Korinthiko 15:23

Menkhan ona modre pạli menakʼa; pạhilre do Mạsige, ar ona tayom do Mạsirenko. Ar onko do uniyakʼ seṭerokʼreko jiwetʼ beretʼ ocokʼa.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Dosar Biboron 26:1

“Aperen Probhu Isor okaṭakʼ disạm sompotti lekateye emape lạgidokʼkan ona hatkate tinre onḍepe girobasokʼa,

Dosar Biboron 26:3

Unre okoeṭakʼ naeke onḍeye tahen unipe metaea, ‘teheń ińren Probhu Isor samaṅreń jạhireda, okaṭakʼ disạm emabon lạgitʼ aboren hapṛamko ṭhene gokʼletʼ ona disạmteń bolo akana.’