Dosar Biboron 26:17 - সান্তালী বাইবেল

¹⁷ Ar teheńge lại sodorpe. Probhu kangeae aperen Isor do ar uniyakʼ horregepe taṛama mente. Arpe aṅgocetʼ kana, uniyakʼ hukumko ar bicạrkope dohoya ar uniyakʼ katha lekape calakʼa.

Dosar Biboron 26:17 Referans Kwoze

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Exodus 24:7

Ona tayom uni do bondobos olakʼ puthi hataokate hoṛkoe paṛhao ańjomatʼkoa. Unre hoṛko doko roṛ ruạṛadea, “Ale dole bataoa ar Probhu Isor okakoe menakatʼ ona jotowakʼle palona.”

2 Korinthiko 8:5

Alele aslen tahẽkan khonakʼ hõ bạ̃ṛtiko danleda; onko do pạhilre Probhu Isor ṭhen apnarko em maṛaṅena ar ona tayom do Isorakʼ sanaleka ale ṭhenko emleda.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Jesaea 44:5

Mitʼṭen doe mena, uni doe Probhu Isor kana; ar dosaricʼ do Jokob ńutumteye ńumogokʼa, ar eṭagicʼ do acʼakʼ tireye ola, uni doe Probhu Isorren kana, ar Israelakʼ ńutumteye pạrisokʼa.’ ”

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Dosar Biboron 30:16

Teheń ape ṭhen ińakʼ hukum do noage, aperen Probhu Isorpe dulạṛea, uniyakʼ hortepe calakʼa ar uniyakʼ hukum ar niạmkope manaotaea. Enḍekhan ape do jiwetʼpe tahena ar lekhatepe saṅge idikʼa, ar okaṭakʼ disạm dokhol lạgitʼpe senokʼkan onḍe aperen Probhu Isor do apeye bhorapea.

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

Exodus 20:19

Onko do Moseko metadea, “Ale tulucʼ katha roṛme, ale dole ańjoma; menkhan Isor ale tulucʼe roṛle khan ale dole gujukʼa.”

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

2 Bõsbudạ 34:31

Raj do acʼakʼ jaegare teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanamakʼ katha manao lạgitʼ Probhu Isor samaṅreye kiriạ ocoketʼkoa.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Genesis 28:21

ar iń babawakʼ oṛakʼte napaeteń ruạṛ daṛeakʼ, enḍekhan nui Probhu Isorge ińren Isor menteń manaoea.

Exodus 19:8

Noa katha ańjomkate hoṛko do mitʼ domteko menkeda, “Probhu Isor okaṭakʼe menakatʼ ale do jotogele onkaea.” Ar hoṛko okako menketʼ Mose do ona Probhu Isore baḍae ocokedea.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Dosar Biboron 27:10

Ape do uniyakʼ bataotaepe. Ar teheń okako hukum ar ạn-ạrikoń emapekan ona dohoype.”

Dosar Biboron 29:12

Aperen Probhu Isor teheń ape lạgitʼ oka khạṭiteakʼ gokʼakʼ ar bondobose dohoakatʼ ona gokʼakʼ ar bondobos manao lạgitʼge nonḍe hecʼkatepe teṅgo akana.

Josuạ 24:22

Unre Josuại metatʼkoa, “Ape do niạ kathate apnarge aperen gohape hoyena, Probhu Isor gepe sewawaea mente.” Onkoko roṛ ruạṛkeda, “Hẽ, ale do goha gele hoyena.”