Dosar Biboron 26:15 - সান্তালী বাইবেল

¹⁵ E Probhu Isor, amakʼ sonot tahen ṭhạ̃i khon baṛe beṅgedme ar amren hoṛ baṛe beṅgetʼakome, metakʼme Israelko baṛe bhoraleme. Aleren hapṛamko ṭhen amakʼ gokʼakʼ lekate toa ar dumur rasate perecʼ okaṭakʼ disạmem emakawatʼle noa disạm hõ bhorakʼtaleme.’

Dosar Biboron 26:15 Referans Kwoze

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Aposkạmi 7:49

Probhu Isore meneda, ‘serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana; am do iń lạgitʼ cetʼlekan oṛakʼem benaoa? Ar ińakʼ jirạukʼ ṭhạ̃i do okare hoyokʼa?

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

1 Rapajko 8:43

enḍekhan amakʼ tahen ṭhạ̃i khon ańjomtaeme. Ar uni okae khoj uni lạgitʼ ona baṛe onkaeme jemon dhạrtiren sanam hoṛko baḍae daṛeam ar amren hoṛko leka onkohõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 90:17

Aboren Probhu Isorakʼ daya do abo cetanre baṛe tahen ma; aleakʼ sanam kạmi kajaktaleme, hẽ, aleakʼ sanam kạmi baṛe kajak utạrtaleme.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Sereńko 28:9

E Probhu Isor, amren hoṛko rukhiyạkom, ar amren ạidạriko bhorakome; am do onkoren gupiyicʼ hoyokʼme ar jaejug hạbicʼ saṅgha akae dohokom.

Dosar Biboron 26:7

Unre abo do aboren hapṛamkoren Probhu Isor ṭhen bon rakʼleda. Ar uni do aboakʼ rakʼjoṅakʼe ańjomketʼtabona ar aboakʼ harkhet sasete ńelkeda; ar cetʼleka bon santao ocokʼkan ona hõe ńelkeda.

Dosar Biboron 26:9

Uni do nonḍeye ạguketʼbona ar toa-dumur rasate perecʼ noa disạme ematʼbona.

Dosar Biboron 26:14

Gocʼko lạgitʼ homor halaṅ dinre hõ am ńutumte begar dohoakatʼ hạṭińko reakʼ khon cetʼge bạń jomakada, se chut iń tahẽkan jokhecʼ hõ oṛakʼ khon bạń oḍokleda, se ona khon jãhãn hạṭiń hõ gocʼko ńutumte bạń dan akada. Iń do ińren Probhu Isorakʼ katha lekageń kạmi akada. Amem hukumakatʼ jotowakʼgeń kạmi akada.

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Sereńko 80:14

E sanam daṛeanicʼ Isor, am do ruạṛ hijukʼme; serma khon oyoṅkate ńelme ar noa darkha nạ̃ṛĩ baṛe hiri idiyme.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

Sereńko 80:15

Okako poha do amakʼ titem rohoe akatʼ, ar okaṭakʼ reakʼ ḍạr do am lạgitʼem daṛe ocoakatʼ;