Dosar Biboron 26:13 - সান্তালী বাইবেল

¹³ Ona tayom ape sanamko aperen Probhu Isorpe metaea, ‘iń do amakʼ hukum lekage ińakʼ arjaoakʼ khon am ńutumteń begar dohoakatʼ hạṭiń do oṛakʼ khon oḍokkate Liwiko, upriạko, ṭũạr amarko ar rạnḍi maejiukoń emakawatʼkoa. Amakʼ hukum do bạń bebatao akada ar onako reakʼ mitʼṭecʼ hõ bạń hiṛińakada.

Dosar Biboron 26:13 Referans Kwoze

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Sereńko 119:153

Ińakʼ duk beṅgetʼakʼme ar rukhiyạyińme, ente iń do amakʼ hukumko bạń hiṛińakada,

Sereńko 119:141

Iń doń huḍińgea ariń nihạ̃tgea, enhõ iń do amakʼ ạn ạriko bạń hiṛińeda.

2 Korinthiko 11:31

Isor, Probhu Jisu Mạsiren Baba, okoe do jaejug hạbicʼ ṭhonok ńam lek kane, uniye baḍaea iń do eṛe bạń roṛeda.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Sereńko 119:139

Ińren bạiriko do amakʼ kathako hiṛiń akatʼte amakʼ manot rukhiyại lạgitʼ khạndri udgạu iń doe ńam akadińạ.

Sereńko 119:93

Amakʼ ạn ạriko do tishõ bạń hiṛińa, ente ona hotetege am do nãwã daṛem dan akawạdińa.

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

1 Thessalonikikko 2:10

Ar okoekope pạtiạu akan, ape tulucʼ aleakʼ beohar do, sonot, dhorom ar niphuṭge tahẽkana, ar onaren gohako do Isor ar apege.

Dosar Biboron 26:14

Gocʼko lạgitʼ homor halaṅ dinre hõ am ńutumte begar dohoakatʼ hạṭińko reakʼ khon cetʼge bạń jomakada, se chut iń tahẽkan jokhecʼ hõ oṛakʼ khon bạń oḍokleda, se ona khon jãhãn hạṭiń hõ gocʼko ńutumte bạń dan akada. Iń do ińren Probhu Isorakʼ katha lekageń kạmi akada. Amem hukumakatʼ jotowakʼgeń kạmi akada.