Dosar Biboron 26:11 - সান্তালী বাইবেল

¹¹ Ape ar gharońjrenko Probhu Isor oka bhage bhageakʼ jiniskoteye bhor akawatʼpe onate ape do, Liwiko ar ape talare menakʼko upriạ hoṛko sãotepe rạskạ joṅa.

Dosar Biboron 26:11 Referans Kwoze

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

1 Korinthiko 9:11

Ale do apere Jiu reakʼ itạle er akatʼte ape ṭhen khon hoṛmo reakʼ jom-ńũiyakʼle tear khan enḍekhan ona do cetʼ maraṅ katha kana?

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 27:7

Onḍe do sulukren samaṅokʼakʼ porob hõpe porobokʼa ar samaṅokʼakʼ jinisko jomkate aperen Probhu Isor samaṅrepe rạskạkʼa.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Sosolhayic̕ 3:12

Ińiń baḍaea, manwa jionre rạskạ ar bhage kạmi chaḍa uni lạgitʼ bhageakʼ do ar cetʼhõ bạnukʼa.

Sosolhayic̕ 3:13

Niạ do Isorakʼ dan kana, sanam manwageko jom ńũiya ar uniyakʼ joto kạmire kusiko tahena.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Sosolhayic̕ 7:14

Suk dinkore rạskạkʼme; menkhan duk dinre do niạko katha hudisokʼme, Isor cetʼleka suke dohoakatʼ onkage duk hõe dohoakada, jemon manwa do acʼakʼ tayom din reakʼ cetʼge aloe baḍae daṛeakʼ.