Dosar Biboron 26:10 - সান্তালী বাইবেল

¹⁰ Ona iạte E Probhu Isor, am emakʼ ot baṛge reakʼ pạhil rakapʼakʼ phosol khonakʼ am ṭheniń ạguakada.’ Ar noa menkate aperen Probhu Isor samaṅre khạclạkʼpe dohoya ar unipe sewawaea.

Dosar Biboron 26:10 Referans Kwoze

Johan sodor 22:9

Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Sereńko 22:29

Dhạrtiren kisạ̃ṛ hoṛko hõ unre uni samaṅreko jom ńũiya, ar uniko sewawaea; apnarakʼ jiwi bańcao reakʼ dhej bạnukʼtakote okoeyakʼ mitʼ jaṅga do topare menakʼtako, onko hõ uni samaṅreko ikhṛumokʼa.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

Dosar Biboron 26:17

Ar teheńge lại sodorpe. Probhu kangeae aperen Isor do ar uniyakʼ horregepe taṛama mente. Arpe aṅgocetʼ kana, uniyakʼ hukumko ar bicạrkope dohoya ar uniyakʼ katha lekape calakʼa.

Dosar Biboron 26:4

Unre naeke do apeakʼ ti khon onako khạclạkʼ hataokate aperen Probhu Isorakʼ pinḍ samaṅreye dohoya.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Dosar Biboron 18:4

Apeakʼ pạhil rakapʼakʼ phosol, nãwã darkha rasa, sunum, merom ar bhiḍikoakʼ pạhil getʼakʼ upʼ hõ naekepe emaea,

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.