Dosar Biboron 24:2 - সান্তালী বাইবেল

^2-3 ar uni maejiu do acʼakʼ oṛakʼte senkate jãhãeye baplaye ar uniren dosaricʼ jãwãe hõ tayomte bae kusiyae ar uni cetanreye onkae, se uni jãwãetetʼ hõe gujukʼ

Dosar Biboron 24:2 Referans Kwoze

1 Korinthiko 7:15

Menkhan uni bepạtiạricʼ jãwãetetʼ se rinicʼtetʼ do chaḍaokʼe menetʼ khan uni doe chaḍaokʼma; ar nonkanakʼ obostare uni pạtiạricʼ boeha se misera do bae golam akana. Menkhan Isor do sulukte tahen lạgitʼgeye hohoakatʼ bona.

Mark 10:11

Unreye metatʼkoa, “Jãhãege acʼren bạhu bạgikate eṭakʼ maejiue baplaye uni do acʼren bạhuttetʼ upạrteye laṭghaṭeda.

Mathae 5:32

Menkhan ińiń metapekana, jãhãe hoṛ laṭghaṭ chaḍa eṭakʼ karonte bạhuttetʼe bạgiye uni doe loṭghuṭi ocoyea, ar jãhãege uni bạgi ocoyicʼ maejiue baplaye, uni hõe loṭghuṭiya.

Jeheskel 44:22

Rạnḍi maejiu se jãwãeye bạgi akawade nonkan jãhãe maejiu onko do bako bapla daṛeakoa; onko do eken Israel jạtren kũạri kuṛi se naekeren rạnḍi akan bạhuko bapla daṛeakoa.

Numeri 30:9

“Rạnḍi se jãwãe okoeye bạgi akade nonkan jãhãe maejiu jãhãnakʼ manot lạgitʼe dohoy se jãhãn gokʼakʼe dohoy enḍekhan uni do ona purạu hoyokʼtaea.

Levitikus 22:13

Menkhan naekeren jãhãe rạnḍi hoponera se jãwãetetʼe bạgi akade begor gidrạwan kuṛi do apatakʼ oṛakʼre tahen lạgitʼe ruạr hecʼakan khan uni do acʼ apat reakʼ hĩse ńama. Naekeakʼ gharońjrene baṅkan nonkan okoehõ ona do bako jom daṛeakʼa.

Levitikus 21:14

Rạnḍi se jãwãetetʼ ṭhen khone bạgi ocoakan se loṭghoṭi iạte apnare besapha ocoakan nonkan maejiu baplako do baṅ ganokʼtaea. Eken acʼ jạtren ḍạṅgwạ kuṛigeye bapla daṛeakoa,

Levitikus 21:7

Kusumbiko, loṭghoṭi maejiu, se jãwãe ṭhen khone bạgi ocoakan maejiu baplako hõ baṅ ganokʼtakoa. Ente onko do Isor ńutumteko begar doho ocoakana.

Dosar Biboron 24:1

“Bapla tayom jãhãege bạhuttetʼ cetanre jãhãnakʼ dose ńamtae ar uni cetanreye bekusikʼte bapag dolele olae ar uniyakʼ oṛakʼteye kolgotʼkae,