Dosar Biboron 24:19 - সান্তালী বাইবেল

¹⁹ “Apeakʼ jumi reakʼ phosolpe samṭao jokhecʼ ạṭi ạguiype hiṛiń lekhan ona ạgui lạgitʼ do alope ruạṛ calakʼa. Ona do upriạko, ṭũạr amarko ar rạnḍiko lạgitʼ bạgi oṭokakʼpe. Enḍekhan aperen Probhu Isor do jotowakʼ kạmireye bhorapea.

Dosar Biboron 24:19 Referans Kwoze

Levitikus 23:22

“Apeakʼ jumi reakʼ phosolpe ir jokhecʼ aṛe reakʼ phosol do alope ira ar ńur akan gele hõ alope halaṅa. Onako do reṅgecʼ-orecʼko ar disạmreko girobasokʼkan eṭakʼ jạtren hoṛko lạgitʼ bạgi oṭowakʼ hoyokʼtapea. Ar ińkangeạń Probhu aperen Isor do.”

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Kạhtukko 19:17

Reṅgecʼ orecʼkoe dayawako kan hoṛ do Probhu Isorgeye dayawae kana; Probhu Isorge uniyakʼ upkạr reakʼ dan doe emokʼkana.

Luk 6:38

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

Jesaea 32:8

Menkhan bhage hoṛ do bhageakʼe goṭaea ar acʼakʼ bhage kạmirege lạgiạ paṛao akane tahena.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Dosar Biboron 26:13

Ona tayom ape sanamko aperen Probhu Isorpe metaea, ‘iń do amakʼ hukum lekage ińakʼ arjaoakʼ khon am ńutumteń begar dohoakatʼ hạṭiń do oṛakʼ khon oḍokkate Liwiko, upriạko, ṭũạr amarko ar rạnḍi maejiukoń emakawatʼkoa. Amakʼ hukum do bạń bebatao akada ar onako reakʼ mitʼṭecʼ hõ bạń hiṛińakada.

Rut reakʼ kạhini 2:16

Bickom phosol gegetʼ jokhecʼ thoṛa dope hulạkʼ oṭokakʼa ar onape halaṅ ocoaea, ar alope dhomkaoea.”

Dosar Biboron 15:10

Ar monre haso dohokate do alope emaea; enḍekhan Probhu Isor do apeakʼ sanam kạmireye bhorapea ar jãhãnakʼrege hatpe lagao onaregepe jo bahakʼa.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Kạhtukko 14:21

Okoe acʼ aḍepaseren hoṛkoe nihạ̃tko uni doe kạiyeda, menkhan okoe reṅgecʼkoe dawawako kan uni doe bhạgangea.

Dosar Biboron 24:18

Disạipe, Misor disạmre ape hõ golampe tahẽkana ar aperen Probhu Isor do onḍe khone chaḍao ạgu akatʼpea. Ona iạte noako kạmi lạgitʼ iń hukumape kana.

Rut reakʼ kạhini 2:2

Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”