Dosar Biboron 24:14 - সান্তালী বাইবেল

¹⁴ “Paona babotre reṅgecʼ orecʼ ar din mạjuriko cetanre alope behoka baṅ doe aperen Israel boehakan ar baṅ doe apeakʼ disạmren upriạ hoṛkan.

Dosar Biboron 24:14 Referans Kwoze

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Luk 10:7

Ona oṛakʼrege tahenpe ar okako emape onage jompe, ente okoeye kạmikan uni do acʼakʼ kuṛại ńam lek kanae. Ar mitʼ oṛakʼ bạgikate eṭakʼ oṛakʼte alope calakʼa.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

1Timothi 5:18

Sonot sostore meneda, “Phosol enokʼ jokhecʼ ḍaṅgra do moca alom toltaea.” Arhõ ol akana, “Kạmiyetʼkan hoṛ do acʼakʼ kuṛại ńam lek kangeae.”

Levitikus 19:13

“Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea.

Dosar Biboron 15:7

“Aperen Probhu Isor okaṭakʼ disạme emape lạgidokʼkan ona disạmre aperen boehako modre jãhãege reṅgecʼreye paṛaokʼ, enḍekhan unire apeakʼ ontor do alope keṭejtapea, se uni reṅgecʼ boeha lạgitʼ apeakʼ ti do muṭ akae alope dohoytapea.