Dosar Biboron 24:13 - সান্তালী বাইবেল

¹³ Menkhan cando hạsurokʼre onape ruạṛkataea jemon onate oyokateye jạpitʼ daṛeakʼ. Ar onate uni do apeakʼ bhạlại lạgitʼe koeya, ar aperen Probhu Isor samaṅre dhoromge hoyokʼtapea.

Dosar Biboron 24:13 Referans Kwoze

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Dosar Biboron 6:25

Ar aboren Probhu Isor samaṅre uniyakʼ hukumleka noa ạn-ạriko pańjae reakʼ monsubạ tahen tabon, enḍekhan onage abo lạgitʼ dhorom do hoyokʼa.

Dosar Biboron 24:15

Siń cando hạsurokʼ laharege uniyakʼ kuṛại do emkatae hoyokʼa, ente uni doe reṅgecʼ hoṛ kana ar ona kuṛại cetanregeye ṭehãḍ akana. Ar bape onkale khan kại hoyokʼtapea, ar uni do ape upạrte Probhu ṭhene raga ar kạirepe paṛaokʼa.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Amos 2:8

Onko do mitʼke mitʼ pinḍ ṭhen senkate bondhok hatao akatʼ kicricʼreko jạpitʼetʼkana. Onkoakʼ koejoṅ oṛakʼre onko do juribana reakʼ ṭakate darkha rasako ńũjoṅkana.

Jeheskel 33:15

metakʼme uni do bondhok dohoakatʼ jinis ar kombṛo akatʼakʼ jiniskoe ruạṛkakʼ ar jiwetʼakʼ ạn-ạrikoe manao ar bạṛicʼakʼ bae kạmi enḍekhan uni do bae gujukʼa, khạṭigeye bańcaokʼa.

Jeheskel 18:12

uni do reṅgecʼ ar laṅgaṭkoe santaoetʼko are kombṛoyetʼkan ar bondhok jinisko bae ruạṛkatako kan, uni do boṅgakoe sewawakokante hirkhạwakʼe kạmikan;

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Genesis 15:6

Abram do Probhu Isorakʼ kathareye pạtiạuena ar onate Isor do dhorom menteye ataṅkedea.

Dosar Biboron 24:12

Reṅgecʼ hoṛ kan khane enḍekhan uniyakʼ bondhok dohoakatʼ kicricʼ cetanre alope giticʼa.

Exodus 22:25

“Ińren jãhãe reṅgecʼ hoṛ ṭaka dharem emae enḍekhan mahajonko leka uni ṭhen khon sud alom hataotaea.