Dosar Biboron 24:1 - সান্তালী বাইবেল

¹ “Bapla tayom jãhãege bạhuttetʼ cetanre jãhãnakʼ dose ńamtae ar uni cetanreye bekusikʼte bapag dolele olae ar uniyakʼ oṛakʼteye kolgotʼkae,

Dosar Biboron 24:1 Referans Kwoze

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Dosar Biboron 22:29

enḍekhan uni hoṛ do kuṛiren apattetʼ adha keji rupại emaea. Ar kuṛiye nosṭokedete uni do baplaye hoyokʼtaea. Ar tisge bae bạgi daṛeaea.

Dosar Biboron 22:19

Onko do juri banalekate uni ṭhen khon mitʼ keji rupạko ạdạiyea ar kuṛiren apattetʼko emaea, ente uni do Israelren mitʼṭen kũạri kuṛi ńutumte bodname pasnao akada. Ar kuṛi do uni hoṛren bạhu mentegeye tahena ar uniren jãwãe do tisge bae bạgi daṛeaea.

Dosar Biboron 22:13

“Jãhãe hoṛ baplakate bạhuttetʼ sãoteye giticʼmidokʼ tayom ar bae kusiyae khan ar uniyakʼ bodnam pasnaoteye men, ‘iń do nui kuṛiń baplaledea, menkhan unire kũạritetʼ reakʼ porman bạń ńamleda,’

Exodus 21:10

Kisạ̃ṛ do kạ̃ṛmĩye baplaye tayom eṭakʼ jãhãeye baplalekore hõ enhõ uni kạ̃ṛmĩyakʼ jom-ńũ ar kicricʼ khạnḍwạkʼ reakʼ khoroc do emokʼ hoyokʼtaea ar juri-pạri reakʼ hok hõ emae hoyokʼtaea.

Luk 16:18

“Okoe acʼren bạhu bạgikate eṭakʼicʼe baplaye, uni doe laṭghaṭeda. Ar jãwãe khon bapag akan maejiu okoeye baplaye, uni hõe laṭghaṭeda.

Mathae 1:19

Mạriạmren jãwãe Joseph do dhorom hoṛe tahẽkante hoṛko samaṅre Mạriạm lajaore paṛao ocoye do bae khojlakʼa; onate uni do mone monete Mạriạm bạgiye reakʼe goṭakeda.

Malaki 2:16

Israelren Probhu Isore meneda, “Bạhu bạgiye doń hirkhạwakʼ kana.” Ona chaḍa phạdkoren Probhu Isore meneda, “Kicricʼe horokʼetʼ leka okoe do sasantaoakʼte apnare sajaokʼkan uniyakʼ kạmi doń hirkhạwakʼ kana. Onate ape do apeakʼ ontor babotre sontor akae tahenpe, ar phạsiạrako do alope hoyokʼa.”

Dosar Biboron 21:15

“Nonka hoedaṛeakʼa, mitʼ hoṛren do barea bạhu menakʼkintaea, unkin modre mitʼṭene dulạṛea ar eṭakʼicʼ do baṅa. Ar unkin bana hoṛren koṛa hoponkin janamokʼ ar bae dulạṛedekan bạhuren pạhil koṛa hopone janamokʼ,

Numeri 5:28

Menkhan maejiu do bhõnḍ baṅkateye saphage khan tobe do uni okaṭakʼteye dusi ocolen ona khon doe khalasokʼa ar gidrạ eṅgatokʼ reakʼ daṛe hõ tahentaea.

Dosar Biboron 24:2

ar uni maejiu do acʼakʼ oṛakʼte senkate jãhãeye baplaye ar uniren dosaricʼ jãwãe hõ tayomte bae kusiyae ar uni cetanreye onkae, se uni jãwãetetʼ hõe gujukʼ

Jirimiạ 3:1

Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?