Dosar Biboron 23:18 - সান্তালী বাইবেল

¹⁸ Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Dosar Biboron 23:18 Referans Kwoze

Philipiko lạgitʼ Pạul apostolakʼ ciṭhi 3:2

Onko setako khon, metakʼme okoe bạṛicʼakʼko kạmikan ar khatna ocokʼ lạgitʼko ãṭokʼkan onko khon sontorokʼpe!

Johan sodor 22:15

Setako lekan bạṛicʼ hoṛko, jạdu udukʼ baṛakanko, loṭghoṭiko, khũniạhiko, murhutʼ sewako, eṛeakʼ dulạṛko ar eṛeakʼ kạmikanko, onko sanamkoge bahrereko tahena.

Mathae 7:6

“Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcur ruạṛkate apeko hoṭakʼ cirạpea.

2 Patras 2:22

Onko babotre noa katha do sạrige hoyakana, “Seta do acʼakʼ becʼ secʼe ạcurokʼa,” ar “Sukri do ạrupʼ saphayere hõ leḍreye jobekʼgea.”

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Jeheskel 16:33

Sanam kusumbikoge kuṛại doko ńamgea, menkhan am do amren sanam dulạṛiạko kuṛạiyem emako kana. Am sãote laṭghaṭ lạgitʼ jemon sanam ṭhạ̃i khon am ṭhenko hijukʼ ona iạte onko do ghusem emako kana.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Kạhtukko 26:11

Seta cetʼleka acʼakʼ becʼ secʼe ạcurokʼ, onkage bebuj hoṛ do arhõ lelhatetʼe kạmiya.

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

Dosar Biboron 23:21

“Aperen Probhu Isor ṭhen jãhãnakʼge manot lạgitʼpe dohoy enḍekhan ona purạu lạgitʼ do alope biloma, ente aperen Probhu Isor do tishõ ona khon bae khalaspea. Ar onate ape do kạirepe paṛaokʼa.

Levitikus 18:22

“Maejiuko tulucʼ giticʼmidokʼ leka herel tulucʼ herel giticʼmidokʼ hõ baṅ ganokʼa. Noa do mitʼṭecʼ bạṛicʼ utạrakʼ kạmikana.

Malaki 1:14

Jãhãege palre menakʼkotae lek lekan janwarko khon emokʼ lạgitʼe manot akatʼ khan ar hoṛmore dusiyicʼ mitʼṭen janwar Probhu Isor ńutumteye samaṅakade khan, uni doe ṭhokgea. Uni cetanre do sarap paṛaokʼma. Iń kangeạń maraṅ raj do ar sanam jạtrenko do ińgeko botorạńạ. Ar iń phạdkoren Probhu Isorge noa katha doń meneda.”

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Levitikus 7:16

“Noa sulukren samaṅokʼakʼ do manot dohowakʼ purun lạgitʼ kan khan se samaṅetʼkạnicʼ do acʼakʼ monsubạte onae onkae enḍekhan ona samaṅ akatʼ jel do enhilokʼge jom hoyokʼa. Ar sarecʼ tahen khan dosar hilokʼ hõ ona do jomogokʼgea,

Levitikus 19:29

“Amren hoponera do kusumbi alom hoeocoyea. Arem onka ocoye khan disạmre kusumbiko ḍher idikʼte mucạtʼre disạm do nosṭamite perejokʼa.

Levitikus 20:13

Maejiu tulucʼ giticʼmidokʼ leka jãhãe herel hoṛ do herel tulucʼe giticʼmidokʼ enḍekhan ona do hirkhạ utạrakʼ kạmi hoyokʼa. Ar onate unkin do gocʼkin hoyokʼa. Ar ạkinakʼ gujukʼ lạgitʼ do apnarge dạyikin hoyokʼa.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Mikạ 1:7

Ar uniren sanam boṅgako doko rạputʼ gejer ocokʼa; uniren mundil-kusumbikoakʼ sanam rojgar do seṅgelte rapakʼ giḍikʼa; uniren sanam boṅga muṭhạnko doń marao giḍikoa. Uni do kusumbi reakʼ kuṛại lekate noakoe ńam akada onate onako do arhõ kusumbikʼ lạgitʼ laṛcaṛokʼa.”

1 Rapajko 14:24

Onkoakʼ disạmre do herel kusumbi hõko tahẽkana. Ar okoe jạtrenko Probhu Isor do Israelko samaṅ khone sạṅgiń giḍiletʼko onkoakʼ sanam hirkhạwanakʼ kạmiko do Jihudạren hoṛko kạmikan tahẽkana.