Dosar Biboron 22:6 - সান্তালী বাইবেল

⁶ “Hortepe calakʼ jokhecʼ darere se ot cetanre jãhãn cẽṛẽyakʼ tukạpe ńamlere ar onḍe eṅgattetʼ do hoponkoe hạmbutʼ akatʼko se belekoe obor akatʼtae, enḍekhan hopon sudhạ eṅgattetʼ do alope idiyea.

Dosar Biboron 22:6 Referans Kwoze

Levitikus 22:28

Gại ar uniren bạchur se bhiḍi ar uniren hopon do mitʼ dinte alope dãṛẽkinạ.

Kạhtukko 12:10

Dhorom hoṛ do acʼren janwarkoe jotonkoa, menkhan bedhoromkoakʼ daya do bạnukʼa.

Luk 12:6

“Mõṛẽ goṭen ghaṛwa cẽṛẽ do cetʼ thoṛa damte bako ạkhirińokʼ kana? Enrehõ Isor do onkoren mitʼṭen hõ bae hiṛińetʼkoa.

Genesis 8:17

Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.”

Hosea 10:14

ona iạte ape upạrte lạṛhại reakʼ kạumạu rakapʼa ar apeakʼ sanam gaṛko do marao ocokʼa, cetʼleka Solomon do lạṛhại hilokʼ Beth-Arbele maraoletʼ. Unre hopon ar hoponerako sãote eṅgatko hõ otreko tawakʼ ocolena.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

Dosar Biboron 22:5

“Jãhãe maejiuge herelakʼ sajte jemon aloe sajokʼma se jãhãe herel hoṛ hõ maejiuakʼ horokʼakʼte aloe sajokʼma. Ente Probhu Isor do onka kạmiyicʼ doe hirkhạwaea.