Dosar Biboron 22:24 - সান্তালী বাইবেল

²⁴ enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.

Dosar Biboron 22:24 Referans Kwoze

Dosar Biboron 21:14

Menkhan tayomte maejiu bae kusiyae khan uni okare calakʼe men onḍege sen ocowae hoyokʼa. Uni do bae ạkhriń daṛeaea se kạ̃ṛmĩ lekate hõ bae doho daṛeaea, ente uni doe bemanot akadea.

1 Korinthiko 5:2

Ar noa tayom hõ ape dope gorbokʼ kana! Bickom ape dope mon dukkokʼa honaṅ, jemon nonkae kạmiketʼicʼ do ape tala khone oḍok ocokʼ?

Mathae 1:24

Ado Probhuren goḍet okalekae hukumade tahẽkan, onkage Joshep do jạpitʼ khon beretʼkateye kạmikeda.

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniyakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Genesis 29:21

Ona tayom Jakob do Labane metadea, “Ińakʼ kạmi reakʼ din do purạuena. Okoe lạgitʼ iń kạmiketʼ ńitokʼ uni emaliń ben jemon uni tulucʼ liń giticʼmitʼ daṛeakʼ.”

Dosar Biboron 22:23

“Bapla ṭhik akantae nonkan jãhãe kũạri kuṛi atore se nagrahare ńamkate jãhãe uni sãoteye giticʼmidokʼ,

Dosar Biboron 22:25

“Bapla ṭhik doho akantae nonkan jãhãe kuṛi nisun jaegare ńamkate jãhãe jorkate uni tulucʼe giticʼmidokʼ enḍekhan okoe hoṛe kạmi akatʼ eken uni motogeye gocʼ ocokʼa.

Jobakʼ 31:11

Iń lạgitʼ ona do hirkhạwakʼ kạmikana, bikʼcạrko hotete sạjại ńam lekan kại kana.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Dosar Biboron 17:7

Uni hoṛ goje lạgitʼ do gohakoge pạhilre dhiriteko tiń maṛaṅema, ar ona tayom do eṭakʼ hoṛkoko tińea. Ar nonkate ape tala khon uni bạṛicʼ hoṛpe marao giḍikaea.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.