Dosar Biboron 21:8 - সান্তালী বাইবেল

⁸ E Probhu Isor, amem chaḍao akatʼko Israelko baṛe ikạkako me. Nui hoṛakʼ mãyãm iạte amren hoṛko alom dusikoa.’ Ar onate mãyãm reakʼ dos khon ikạpe ńama.

Dosar Biboron 21:8 Referans Kwoze

Jona 1:14

Unre onko do Probhu Isor hohoadeteko menkeda, “E Probhu Isor, nui hoṛakʼ gujukʼ iạte alo jemonle gujukʼ. Ar mitʼṭen miridos hoṛakʼ gujukʼ iạte ale do alom dusi ocolea, ente E Probhu Isor, am do amakʼ sana lekam kạmikana.”

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Jeheskel 23:3

Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

2 Samuel 3:28

Joab ar uniren boeha Abisae do Abnerkin gocʼkedea, ente uni do unkinren boeha Asahel Gibiạn reakʼ lạṛhạireye gocʼledea. Tayomte Dạud do ona khobor ńamkateye menkeda, “Nerren hopon Abnerakʼ mãyãm reakʼ babotre iń ar ińakʼ rajosṭi do Probhu Isor samaṅre jaejug lạgitʼ bindusạngea. Joab ar uniren apatakʼ bõsren sanamkoge jemon ona mãyãm reakʼ dạyiko hoyokʼ. Joabakʼ bõsrenko sanam ghạṛicʼ jemon jãhãe baṅ jãhãe hereltetʼ khon boḍedakʼ oḍokokʼtako se murhucʼjom rog ńamko, jãhãege ṭheṅgate tiyokʼkateko taṛamma, arko khũn ocokʼma ar jomakʼ okulạnreko paṛaokʼma.”

Dosar Biboron 21:7

Ar inạ tayomko mena, ‘aleakʼ ti do niạ mãyãm bae joroakada ar ona hoyokʼ hõ bale ńelakada.

1 Rapajko 2:31

Unre raj do Banaeye hukumadea, “Uni okaṭakʼe menetʼkan onage onkaeme. Uni gocʼkate topakae me. Joab okoe bin dusạn hoṛkoakʼ mãyãme joro ocoakatʼ onako reakʼ dos do iń ar ińren ạpuńakʼ bõs khon nonkage ocokʼ giḍikakʼme.