Dosar Biboron 21:5 - সান্তালী বাইবেল

⁵ Ona tayom naekeko, metakʼme Liwi gusṭiren hoṛko do sapʼsosor kạmi lạgitʼko hecʼ sorokʼa, onko do Probhu Isor ńutumte hoṛko bhorakoa ar reṭepeṭe, dapal tapamre hoṛkoakʼko bicạr chinḍạutakoa ente aperen Probhu Isor do onkoe bachao akatʼkoa.

Dosar Biboron 21:5 Referans Kwoze

1 Bõsbudạ 23:13

Amramren hopon dokin hoyokʼkana Haron ar Mose. Haron ar uniren bõsko do jaejug lạgitʼ Isor ńutumteko begar ocoyena jemon onko do sonot utạrakʼ jinisko reakʼ bharko ataṅ daṛeakʼ, ar Probhu Isor samaṅre seṅgelteakʼ samaṅokʼakʼ ko samaṅ daṛeakʼ, ar uni samaṅre sekʼwa kạmiko kạmi daṛeakʼ ar uni ńutumte bhorko emdaṛeakʼ.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Dosar Biboron 19:17

enḍekhan ona babotre unkin bana hoṛge naeke se bikʼcạricʼ ṭhen idikate Probhu Isor samaṅre teṅgokin hoyokʼa.

Dosar Biboron 18:5

ente aperen Probhu Isor do aperen sanam gusṭirenko tala khon Liwiko ar onkoren bõskogeye bachao akawana, jemon jao okte onko do Probhu Isorko sapʼsorae.

Levitikus 9:22

Ona tayom Aron do hoṛko secʼ ti tiyạrkateye bhoratʼkoa. Uni do kại ńutumte samaṅokʼakʼ, jeredokʼ samaṅokʼakʼ ar sulukren samaṅokʼakʼ reakʼe sạtʼketʼ khan pinḍ khone pheḍena.

Dosar Biboron 21:4

Ar okare tishõ bako casakatʼ se itạ hõ bako erakatʼ ar onḍe mitʼṭecʼ ạtukʼ soḍokʼ menakʼ, nonkan mitʼṭecʼ sokṛa soḍokʼte uniko idiyea. Ar ona soḍokʼre uni phẽṭaṛakʼ hoṭokʼko rạpudtaea.

Jeheskel 42:13

Ona tayom uni do ińe metadińạ, “Mundil reakʼ phaelao jaegare utạr ar dạkhin secʼakʼ banar dolan do naekekoakʼ kana. Okoe naekeko do Probhu Isor ṭhenko bolokʼ onkoge niạ banar dolanre samaṅokʼakʼ sonot utạrakʼ jinisko joma. Onḍe onko do anaj samaṅokʼakʼ, dos ńutumte samaṅokʼakʼ ar kại ńutumte puruchunokʼ reakʼ samaṅokʼakʼ sonot utạrakʼ jinisko dohoya, ente banar dolange sonotgea.

Jeheskel 44:24

“ ‘Jãhãn mambla hoylen khan naekeko do Hạkim reakʼko kạmiya ar ińakʼ hukum lekage onko doko bicạr phanḍaoa. Ar ińiń niṭ akatʼ sanam porobko lạgitʼ onko do ińakʼ ạn-ạri ar niạmko palona ar jirạukʼ mãhãko reakʼ sonottetʼko rukhiyạ dohoya.

2 Bõsbudạ 19:10

Eṭakʼ eṭakʼ ato ar nagrahakore girobasokʼ kan hoṛko ṭhen khon jãhã lekan mamblage hijukʼ: baṅ do mãyãm joro ocoakanakʼ, baṅ do ạn-ạri ar niạmko, baṅ do hukumkoge: ape do onkope sontorkoa jemon Probhu Isorakʼ mẽtʼre dusi aloko hoyokʼ. Ar baṅ khan ape ar aperen hoṛko cetanre Probhu Isorakʼ edre do pheḍ hijukʼa. Ar nonkage kạmipe, jemon dusi alope hoyokʼ.