Dosar Biboron 21:4 - সান্তালী বাইবেল

⁴ Ar okare tishõ bako casakatʼ se itạ hõ bako erakatʼ ar onḍe mitʼṭecʼ ạtukʼ soḍokʼ menakʼ, nonkan mitʼṭecʼ sokṛa soḍokʼte uniko idiyea. Ar ona soḍokʼre uni phẽṭaṛakʼ hoṭokʼko rạpudtaea.

Dosar Biboron 21:4 Referans Kwoze

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Dosar Biboron 21:3

Ar mạ̃ṛĩ khon okaṭakʼ nagraha do joto khon sorre menakʼ nagraharen murubbiko do nonkan mitʼṭen phẽṭaṛko hataoea okoe do kạmire baṅ lagaoakade ar tarenre tishõ arãṛ baṅ lade akawade.

Dosar Biboron 21:5

Ona tayom naekeko, metakʼme Liwi gusṭiren hoṛko do sapʼsosor kạmi lạgitʼko hecʼ sorokʼa, onko do Probhu Isor ńutumte hoṛko bhorakoa ar reṭepeṭe, dapal tapamre hoṛkoakʼko bicạr chinḍạutakoa ente aperen Probhu Isor do onkoe bachao akatʼkoa.

1 Samuel 6:7

“Ńitokʼ ape do mitʼṭecʼ nãwã sagaṛ benaope ar toa kin emokʼ nonkan barea gại hataokinpe one unkin cetanre tishõ arãṛ baṅ lade akawatʼkin. Ar unkin do ona sagaṛrepe joṛaokinạ, menkhan unkinren mĩhũ hopon do unkin khonpe ocokʼkinạ.

Jeheskel 36:9

Iń do ape secʼge minạńa ar apegeń moneyapea; onate apere do casogokʼa ar itạ hõ erogokʼa.