Dosar Biboron 21:23 - সান্তালী বাইবেল

²³ enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

Dosar Biboron 21:23 Referans Kwoze

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Johan 19:31

Ona din do porob reakʼ sapṛaokʼ din tahẽkana. Ar dosar hilokʼ jirạukʼ mãhã tahẽkante Jihudi mukhiyạko do ona dinre kurus cetanre mạ̃ṛĩko tahen do bako khojlakʼa. Onate Pilạt ṭhenko nehõrena jemon kurusre menakʼkoakʼ jaṅga rạputʼkate kurus khonko pheḍ idiko.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Levitikus 18:25

“Nonkate onkoakʼ disạm hõ disạm besapha akantakoa. Onate bedhoromakʼ iạte disạm hõń sạjạyeda ar disạm hõ acʼren hoṛkoe ulạ giḍikako kana.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Josuạ 7:12

Ona iạte Israelko do akoren bạiriko samaṅre bako teṅgo ṭarhao daṛeakʼ kana; arko dạṛeda, ente onko do ḍahao maraokʼ reakʼ sarapakʼ taberen hoṛko hoyakana. Ḍahao maraokʼ sarapakʼ tabe reakʼ jinisko ape ṭhen menakʼa. Onako ạuripe ocokʼ cabae hạbicʼ ape sãore iń do bạń tahena.

2 Samuel 21:6

uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

2 Samuel 21:10

Unre Ayaren hoponerat Rispa do gõṛẽ kicricʼ idikate mitʼṭecʼ dhiri cetanreye aṭetʼana. Pạhil phosol gegetʼ khon ehopʼkate tinạkʼ din ona mạ̃ṛĩko cetanre serma khon jạ̃ṛĩ dakʼ ạuri ńurokʼ hạbicʼ siń do cẽṛẽko ar ńindạ do bir janwarko ona mạ̃ṛĩ ṭhen bae sor ocoatʼkoa.

Jeheskel 39:12

Israelko do eae cando hạbicʼ onkoakʼ topa iạte disạmko bhonḍa.

Dosar Biboron 4:21

“Ape iạte Probhu Isor do iń cetanre hõe edre akana. Uni do kiriạkateye men akada, sompotti lekate okaṭakʼ mońj disạm aperen Probhu Isor do apeye emape lạgidokʼkan, onḍe jordan gaḍa paromkate iń do bạń calao daṛeakʼ.

Dosar Biboron 25:19

Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.

2 Rapajko 10:8

Unre mitʼ hoṛ do hecʼkate Jihui metadea, “Onko do onkoakʼ bohokʼko ạguakada.” Unre Jihui hukumkeda, “Onako do nagraha reakʼ phaṭok bolokʼ horre bar ṭhen ḍhipikate setakʼ hạbicʼ dohokakʼpe.”