Dosar Biboron 21:16 - সান্তালী বাইবেল

¹⁶ enḍekhan sompotti emokʼ jokhecʼ okoeṭakʼ bạhu bae dulạṛede tahẽkan uniren hopon badkate eṭakʼ bạhuren pạhilicʼ koṛa ạidạri emae do baṅ ganokʼtaea, ente okoeṭakʼ bạhu bae dulạṛede tahẽkan uniren hoponge pạhilreye janam akana.

Dosar Biboron 21:16 Referans Kwoze

1 Bõsbudạ 26:10

Morari bõsren Hosaren ponea hoponko modre pạhilicʼ do Simri, dosaricʼ do Hilkiạ, tesaricʼ do Ṭoboliạ, ponicʼ do Sakariạ. Simri do ạikhạ pạhilicʼ hopon do bae tahẽkana, menkhan uniren apattetʼ do mukhiyạ menteye doholedea. Hosaren hoponko ar uni bõsren hoṛko do jotote gelpe hoṛko tahẽkana.

1 Bõsbudạ 5:2

Arhõ boeharen gusṭiko modre Jihudạ gusṭikoren do joto khon daṛeanko tahẽkana ar uniyakʼ gusṭi khonge mukhiyại bachao ocolenrehõ maraṅicʼ hopon reakʼ ạidạri do Josephgeye ńamleda.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriyakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneyakʼpe.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

2 Bõsbudạ 21:3

Onkoren apattetʼ do sona, rupạ, ar damanakʼ jinisko ar Jihudạ disạmre pạcrite esetʼ ato ar nagrahakoe ematʼkoa, menkhan Jehoram do maraṅicʼ hopone tahẽkante uni do rajosṭiye emade tahẽkana.

Genesis 25:31

Jakobe menkeda, “Maraṅicʼ hopon lekate amakʼ okaṭakʼ ạidạri menakʼ ona teheń iń ṭhen ạkhrińme.”

Dosar Biboron 21:15

“Nonka hoedaṛeakʼa, mitʼ hoṛren do barea bạhu menakʼkintaea, unkin modre mitʼṭene dulạṛea ar eṭakʼicʼ do baṅa. Ar unkin bana hoṛren koṛa hoponkin janamokʼ ar bae dulạṛedekan bạhuren pạhil koṛa hopone janamokʼ,

Dosar Biboron 21:17

Ar bạhu bae dulạṛedekanren hoponge acʼakʼ sompotti reakʼ eṭakʼ hopon khon bar doboṛ emkate unige pạhilicʼ hopon mente aṅgoce hoyokʼtaea. Ente uni hoponkangeae apattetʼakʼ daṛe reakʼ pạhilicʼ jo do. Ar pạhil hopon reakʼ ạidạri do unigeye ńama.