Dosar Biboron 20:4 - সান্তালী বাইবেল

⁴ Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Dosar Biboron 20:4 Referans Kwoze

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Dosar Biboron 3:22

Onko do alope botorakoa; aperen Probhu Isorge ape secʼ hoykateye lạṛhạiya.’

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Dosar Biboron 11:25

Jãhãn jạtrenge ape samaṅre bako teṅgo daram daṛeapea. Ar ona disạmre jãhãtegepe calakʼ aperen Probhu Isor do acʼakʼ gokʼakʼ lekate onḍenko hoṛkoakʼ monre ape reaṅ mitʼṭen botore caṛhao ocoytakoa.

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 31:6

Daṛeanko hoyokʼpe ar monre dil dohoype. Onko ńelte alope botorokʼa se alope thar tharaokʼa, ente Probhu Isorge ape sãoteye tahena. Uni do tishõ bae bạgiyapea.”

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

1 Samuel 14:23

Nonkate Probhu Isor do enhilokʼ Israelkoe bańcaoketʼkoa, ar Bet-Aben paromkate hõ lạṛhạitegeko tahẽyena.

1 Bõsbudạ 14:15

Ar konḍeya darekore tinre lạṛhại phạdko parom calakʼ reakʼ sabad lekam ańjoma unre am do lạṛhại lạgitʼem oḍok hijukʼa. Noa reakʼ mane do hoyokʼkana, Philisṭikoren lạṛhại phạdko ńẽtʼko lạgitʼ Isor do am laha lahateye calao akana.”