Dosar Biboron 20:18 - সান্তালী বাইবেল

¹⁸ Ar bape onka lekhan onkoren debotako sewawako reakʼ hirkhạwakʼ kạmipe cetʼjoṅa ar onate aperen Probhu Isor upạrtepe kạiya.

Dosar Biboron 20:18 Referans Kwoze

Exodus 23:33

Apeakʼ disạmre alope girobas ocoakaoa. Arpe tahẽ ocoako khan onko do iń upạrte kại secʼko or idipea, ar onkoren deb-debikope sewawako khan khạṭige jhãmparepe paṛaokʼa.”

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

2 Thessalonikiko 3:14

Noa ciṭhire olakʼ aleakʼ katha jãhãe bae batao khan, enḍekhan uni do ńel oromkaepe. Ar uni tulucʼ ape do gate hõ alope gatekʼa jemone lajaokʼ.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

1 Korinthiko 15:33

“Alope bulạukʼa, bạricʼakʼko tulucʼ gatekʼte bhage cạl-colonko hõ bạṛijokʼa.”

Josuạ 23:13

enḍekhan khạṭige baḍaekakʼpe, aperen Probhu Isor do ape samaṅ khon ar bae laga ńirkoa. Ona bodolte onko do aperen jhãmpa ar pạsi lekako hoyokʼa arpe sapʼ ocokʼa ar onko do apeakʼ dea reakʼ cạbuk ar mẽtʼ reakʼ jạnumko hoyokʼa. Ar nokʼõe napae okocʼ disạm aperen Probhu Isore emakawatʼpe nonḍe khonpe marao utạrokʼa.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

1Timothi 6:5

ar mon baṅgla bhat akantako hoṛko talare mitʼ talao gulmal. Ar noko hoṛkore Isorakʼ sạritetʼ do bạnukʼa; Mạsiyakʼ dhorom pạtiạu onko do dhạrti secʼte mitʼṭecʼ lab reakʼ upại menteko bujhạueda.

Bikʼcạrko 2:3

Ona iạte ńitokʼ iń metape kana, ape ṭhen khon noko hoṛ do ar bạń laga oḍokkoa; onko do ape lạgitʼ jhampa lekako hoyokʼa, ente onkoren debotakoakʼ jhạlirepe paṛaokʼa. ”

Dosar Biboron 18:19

Uni nạbi do ińakʼ ńutumte oka kathae lại ar jãhãege ona katha bae ańjom, enḍekhan ińge uni hoṛ do dạyireń paṛao ocoyea.

Exodus 34:12

Sontorokʼpe! Oka disạmpe bolo lạgidokʼkan ona disạmren hoṛko sãote cetʼge alope bondobosa; arpe onkae khan onko do ape talare jhampa lekako hoyokʼa.

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Dosar Biboron 20:17

Aperen Probhu Isorakʼ hukum leka ape Hittiko, Amoriko, Kananiko, Phạrusiko, Hiwiko ar Jebusiko jotoge purạtepe marao cabakoa.

Dosar Biboron 20:19

“Jãhãn ato se nagraha ḍher din hạbicʼ gherao tayom ona dokhol lạgitʼpe lạṛhạire onḍenakʼ jãhãn darere ṭeṅgocʼ do alope calaoa, ente onako reakʼ jo do apegepe joma. Onate dareko do alope makʼ giḍikakʼa. Ente ṭạnḍi reakʼ dareko do manwa doko baṅkana apeko hạnpea mente.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

Exodus 23:32

Onko sãote se onkoren debotako sãote cetʼge alope rikita.

Dosar Biboron 18:9

“Aperen Probhu Isor ape okaṭakʼ disạme emape lạgidokʼkan onḍe senkate onḍenko jạtren hoṛ oka bạṛicʼakʼko kạmi ona do alope cetʼjoṅa.