Dosar Biboron 20:16 - সান্তালী বাইবেল

¹⁶ Menkhan aperen Probhu Isor do okoe jạtrenkoakʼ ato ar nagrahako somppoti lekateye emape lạgidokʼkan onḍe okoe hõ jiwetʼ do alope dohokoa.

Dosar Biboron 20:16 Referans Kwoze

Josuạ 11:14

Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Numeri 21:35

Unre onko do Og ar uniren hoponko ar sanam lạṛhại phạdko gocʼketʼkoa. Ar celehõ jiwetʼ bako doholetʼkoa. Ar uniyakʼ disạm hõko dokholkeda.

Josuạ 9:27

Ar Josuạ do enhilokʼge Gibeonkoe hukumatʼkoa jemon onko do Israelko lạgitʼ ar Probhu Isor okaṭakʼ ṭhạ̃iye bachao joṅ ona ṭhạ̃ire Probhu Isorakʼ pinḍ lạgitʼ sahan ar dakʼ ạgui reakʼ kạmiko kạmiy. Ar teheń hạbicʼ onko do ona kạmigeko kạmikana.

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Numeri 31:17

Ńitokʼ do noko koṛa gidrạko ar tinạkʼ do herelakʼ mẽtʼãhãko ńelakatʼ nonkan joto maejiu do gocʼ giḍikakope;

Dosar Biboron 20:15

Ar okako nagraha sạṅgińre menakʼ, ona do ape jạtrenkoakʼ nagraha do baṅkana, ar onako cetanrehõ onkagepe hoeocoya.

Dosar Biboron 20:17

Aperen Probhu Isorakʼ hukum leka ape Hittiko, Amoriko, Kananiko, Phạrusiko, Hiwiko ar Jebusiko jotoge purạtepe marao cabakoa.

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.

Josuạ 8:8

Ape do nagraha dokholkate seṅgelpe jeretʼakʼa. Probhu Isor okalekae hukumakatʼ onkagepe kạmiya. Ape cetanre niạ hukumge tahẽyena.”

Josuạ 8:25

Enhilokʼ Ae nagraharen sanam hoṛ, metakʼme gelbar hajar maejiu ar herelko gocʼ ocoyena.

Josuạ 10:20

Nonkate Josuạ ar Israelko do Amoriạkoko ńẽtʼ cabaketʼkoa. Onate joto lekako gocʼena; menkhan tinạkʼ sarecʼko tahẽkan onko do akoakʼ pạcrite esetʼ nagrahareko aderketʼkoa.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Dosar Biboron 4:21

“Ape iạte Probhu Isor do iń cetanre hõe edre akana. Uni do kiriạkateye men akada, sompotti lekate okaṭakʼ mońj disạm aperen Probhu Isor do apeye emape lạgidokʼkan, onḍe jordan gaḍa paromkate iń do bạń calao daṛeakʼ.

Dosar Biboron 24:4

enḍekhan uniren pạhilicʼ jãwãe, one okoeye bạgilede uni do ar bae bapla daṛeaea, ente uni doe besaphagea. Ar nonkanakʼ bapla Probhu Isor doe hirkhạwakʼa. Sompotti lekate okaṭakʼ disạm aperen Probhu Isore emape lạgidokʼkan ona disạm cetanre kại alope paṛao ocoya.

Dosar Biboron 31:5

Onko do apeakʼ tireye jimạkoa ar oka cekae reakʼ iń hukumatʼpe onape onkaea.

Josuạ 9:7

Unre Israelko do Hiwikoko metatʼkoa, “Ape do pasecʼ ale aḍepaseren hoṛ kangeape. Ar sạrige onka kan khan cetʼlekate ape sãote bondobos dole dohoya?”