Dosar Biboron 2:37 - সান্তালী বাইবেল

³⁷ Eken Amonrenkoakʼ jaega, Jabok gaḍa aṛe reakʼ jaega, buru tala reakʼ jaega ar eṭakʼakʼ okako jaega senokʼe manaletʼ bon tahẽkan, onako jaega do ape hõ bape senlena.

Dosar Biboron 2:37 Referans Kwoze

Dosar Biboron 3:16

Menkhan Gilead khon Arnon soḍokʼ reakʼ adha simạ hạbicʼ sanam jaega ar onḍe khon Amonrenkoakʼ simạna Jabok gaḍa hạbicʼ iń do Ruben ar Gad gusṭiren hoṛkoń ematʼkoa.

Numeri 21:24

Niạ lạṛhạire Israelko do uniko gocʼkedea ar Arnon khon Jabok gaḍa hạbicʼ uniyakʼ disạmko ạidạriyana. Onko do eken Amonrenkoakʼ simạ hạbicʼko ạidạriyana, ente Amonrenkoakʼ disạm reakʼ simạna do usạrateko parom hotʼ daṛeakʼ onka do baṅ tahẽkana.

Genesis 32:22

Ona ńindạge Jakob do beretʼkate taṛamate paromokʼ nonkan mitʼṭecʼ jaegate acʼren banar bạhu, banar kạ̃ṛmĩ ar gelmitʼ hoponko do gaḍae paromketʼkoa.

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Josuạ 12:2

Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana.

Dosar Biboron 2:9

Ona tayom Probhu Isor do ińe metadińạ, ‘ape do Moabrenko alope buskokoa se lạṛhại lạgitʼ hõ alope uskạukoa, ente onkoakʼ disạm reakʼ oka hĩsge ape do bạń emapea. Iń do sompotti lekate Ar nagraha do Loṭren bõskoń emakawatʼkoa.”

Dosar Biboron 2:5

Esao bõsrenko lạṛhại lạgitʼ alope uskạukoa, ente onkoakʼ disạm reakʼ okaṭakʼ hĩs hõ bạń emapea, apeakʼ jaṅga dohoy reakʼ ṭhạ̃i hõ baṅa. Ente Seyir reakʼ noa buru ṭoṭhako Esao do acʼakʼ disạm lekateń emakawadea.

Bikʼcạrko 11:22

Onko do Arnon khon Jabok hạbicʼ ar hahaṅkar ṭoṭha khon jordan hạbicʼ Amorikoakʼ sanam jaegako hatkeda.