Dosar Biboron 2:36 - সান্তালী বাইবেল

³⁶ Ar Arnon soḍokʼ aṛe reakʼ Aroer nagraha ar ona soḍokʼ tala reakʼ ato khon ehopʼkate Gilead hạbicʼ nonkan jãhãn daṛeanakʼ atoko se nagraha do baṅ tahẽkana one okaṭakʼ do babon jitạu daṛeakʼ tahẽkan. Aboren Probhu Isor do onako sanamakʼge aboakʼ tireye jimạkeda.

Dosar Biboron 2:36 Referans Kwoze

Josuạ 13:9

Onkoakʼ niạ jaega do ehopʼakana Arnon lodam aṛe reakʼ Aroer nagraha khon ar ona lodam reakʼ adha ato khon. Onako modre menakʼa Dibon hạbicʼ Medeba reakʼ goṭa bilạn ṭạnḍi ar Amonrenkoakʼ disạm reakʼ simạ hạbicʼ Hesbonren Amori raj Sihonakʼ goṭa atokoge.

Dosar Biboron 4:48

Arnon otet aṛe reakʼ Aroer nagraha khon Sion buru, metakʼme Hormon buru hạbicʼ noakin rajosṭige tahẽkana.

Dosar Biboron 3:12

“Abo bon ạidạri akawan jaega khon iń do unre Arnon gaḍa ṭhen Aroer nagraha bahre utạr secʼ reakʼ ṭoṭha ar Gilead buru ṭoṭha reakʼ adha ar onḍenakʼ sanam atoko ar nagraha do Ruben ar Gad gusṭiren hoṛkoń ematʼkoa.

Sereńko 44:3

Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Jirimiạ 48:19

E Aroerren hoṛko, ape do hor aṛere teṅgokate ńelpe. Ar dạṛjoṅkan hoṛko kulikope, ‘cetʼ hoyakana mente?’

Jesaea 17:2

Aroye reakʼ atoko do jaejug lạgitʼ ńir bạgiyakʼge hoyokʼa. Onako do janwarko lạgitʼge hoyokʼa. Onko do onḍegeko aḍakʼa; ar celege bako botor ocokoa.

Josuạ 12:2

Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Numeri 32:34

Gad gusṭiren hoṛko do Dibon, Atarot, Aroer.

Bikʼcạrko 11:22

Onko do Arnon khon Jabok hạbicʼ ar hahaṅkar ṭoṭha khon jordan hạbicʼ Amorikoakʼ sanam jaegako hatkeda.

Bikʼcạrko 11:26

Teheń pe sae bochor Israelko do Hesbon ar Aroer nagraha ar ona aḍepase reakʼ ato ar Arnon gaḍa aṛe secʼteakʼ sanam atokorele girobasokʼ kana. Inạko dinre cedakʼ am do onako arhõ bam hatleda?

2 Samuel 24:5

Onko do Jordan paromkate Gat ṭoṭha buru lodam tala nagraha reakʼ dạkhinre Aroerre senkateko ḍerayena, ar ona tayom do Jaserteko calaoena.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.