Dosar Biboron 2:34 - সান্তালী বাইবেল

³⁴ Ona jokhecʼ abo do uniyakʼ sanam atoko ar nagrahako bon dokholketʼte onkoren herel hoponko, maejiuko ar gidrạko bon marao cabaketʼkoa; onkoren celege jiwetʼ do babon doholetʼkoa.

Dosar Biboron 2:34 Referans Kwoze

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Dosar Biboron 3:6

Abon do onako ato ar nagrahako purạte bon marao giḍiletʼ tahẽkana. Hesbonren raj Sihon bon cekalede onkage onkoren herel hoponko, maejiuko ar gidrạko ar mimitʼ atoko ar nagrahako jotogebon marao utạrleda.

Josuạ 11:14

Niạko nagraha khon okako jinis ar ạsul janwarko luṭlen ona do Israelko apnar lạgitʼko idiwana; menkhan sanam hoṛko doko marao cabaketʼkoa, mitʼṭen jiwiyanko hõ jiwetʼ do bako doholetʼkoa.

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Josuạ 10:40

Nonkate Josuạ do sanam jaega, metakʼme buru disạm, ar buru dhasna disạm, Begeb ar bilạn disạm, ar onakoren sanam rajkoe bhagaoketʼkoa ar celege jiwetʼ bae doholetʼkoa. Israelren Probhu Isor oka lekae hukumletʼ tahẽkan onkage uni do sanam jiwiyankoe marao utạrketʼkoa.