Dosar Biboron 2:30 - সান্তালী বাইবেল

³⁰ Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Dosar Biboron 2:30 Referans Kwoze

Numeri 21:23

Menkhan Sihon raj do acʼakʼ rajosṭi talate Israelko bae parom ocowatʼkoa. Uni do acʼren lạṛhại phạdante hahaṅkarre Israelko upạrte lạṛhại lạgitʼe oḍok hecʼena. Uni do Jahas nagrahare seṭerkate Israelko sãoteye lạṛhạiyena.

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Exodus 11:10

Noako hahaṛa kạmi Mose ar Aron do Pharao samaṅre kin kạmikeda, menkhan Probhu Isor do Pharaoakʼ mone keṭecʼketʼte disạm khon Israelko bae sen ocoatʼkoa.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Bikʼcạrko 11:20

Menkhan Sihon do Israelko bae pạtiạuatʼkote acʼakʼ disạm talate calakʼ reakʼ hukum bae ematʼkoa. Uni do acʼren sanam hoṛkoe jarwaketʼkoa ar Jahasreye ḍerayente Israelko upạrteye lạṛhạiyena.

Dosar Biboron 2:31

“Tayomte Probhu Isor do ińe metadińạ, ‘ńelpe, Sihon ar uniyakʼ rajosṭi do ape tireń jimạyeda. Am do ńitokʼ senkate uniyakʼ disạm dokhol joṅme ar onḍe girobasokʼpe.’

1 Rapajko 12:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Probhu Isor khonge noa ghoṭna do hoyena.

Rak̕joṅ 3:65

Onkoakʼ mon baṛe keṭecʼ ocoytakome, ar amakʼ sarap do onkorege paṛao ocoyme.

Exodus 7:14

Unre Probhu Isor do Moseye metadea, “Pharaoakʼ mon do keṭecʼ akantaea, onate hoṛko bae sen ocoakokana.

Numeri 21:33

Ona tayom onko doko ạcurente Bason disạm reakʼ ḍaharteko laha idiyena. Unre Basonren raj Og ar uniren lạṛhại phạdko oḍok hecʼente onko sãote lạṛhại lạgitʼ Edrei nagrahareko seṭerena.

Numeri 21:34

Unre Probhu Isor do Moseye galmaraoadea, “Og raj do alom botoraea, ente uniyakʼ disạm uni ar uniren lạṛhại phạdko do amakʼ tireń jimạ akatʼkoa. Amorikoren Sihon raj, okoe do Hesbonreye rajokʼkan tahẽkan, uniyakʼ oka dosań hoyocoletʼtae onkage nuiyakʼ hõ hoyokʼtaea.”

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.