Dosar Biboron 2:23 - সান্তালী বাইবেল

²³ Kaphtor khon Kaphtoriko hecʼkate Awikoko maraoketʼkote onkoakʼ jaegare girobasokʼko ehopʼena. Ar Awiko do unre Gasa hạbicʼ sanam atoreko girobasokʼkan tahẽkana.

Dosar Biboron 2:23 Referans Kwoze

Amos 9:7

Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Jirimiạ 47:4

Philisṭikoren sanamko maraokʼ reakʼ din, Tur ar Sidonren mitʼke mitʼ sarecʼ gokʼṛokoakʼ gocʼ ocokʼ reakʼ din do seṭer akana. Iń Probhu Isorge Philisṭikoakʼ, metakʼme Kaphtor dip khon hecʼakan hoṛkoń maraokoa.

Jirimiạ 25:20

onḍe tahenkan sanam bidisiạko; Kus disạmren sanam rapajko; Philisṭiren sanam rapajko, metakʼme Askelon, Gasa, Ekron ar Asdodren sarecʼkoren rapajko;

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Sakariạ 9:5

Askilan do ona ńelteye botorokʼa, Gasa do hasoteye thakaokʼa ar Ekronakʼ dosa hõ onage hoyokʼa, ente uniyakʼ as do baṅ puruạukʼtaea. Gasa do acʼren raje adea ar Askelonre do celege bako tahena.

Sephaniạ 2:4

Gasa do ujạṛakʼ ar Askelon do dhaṅdhaserakʼ ṭhạ̃ige hoyokʼa. Asdodren hoṛ do siń marsalregeko laga ńir ocokʼa ar Ekron doe totʼ giḍi ocokʼa.

1 Rapajko 4:24

Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

Josuạ 10:41

Josuạ do Kades-Barnea khon Gasa hạbicʼ ar goṭa Gosen reakʼ Gibeon hạbicʼ sanam hoṛkoe bhagaoketʼkoa.

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

Josuạ 15:47

Asdad ar ona aḍepase reakʼ jaega ar atoko, Misor reakʼ rohoṛ gaḍa ar jalapuri aṛe reakʼ Gasa ar ona aḍepase reakʼ sanam jaega ar onako atokoko ńamleda.

Bikʼcạrko 1:18

Jihudạ gusṭiren hoṛko do Gasa, Askelon ar Ekron nagraha ar onako aḍepase reakʼ jaegako hatkeda.

2 Rapajko 18:8

Gasa ar onako ṭoṭha talare Philisṭiko okakoreko girobasokʼ kan tahẽkan uni do onkoe akromonketʼkoa are bhagaoketʼkoa.