Dosar Biboron 2:14 - সান্তালী বাইবেল

¹⁴ Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Dosar Biboron 2:14 Referans Kwoze

Jeheskel 20:15

Ona chaḍa ona hahaṅkarrege onko ṭheniń kiriạyena, iń emakʼ disạmge one okaṭakʼ disạmre toa, dumur rasa ar jãhãnakʼ reakʼ okulạnge bạnukʼ, okaṭakʼ disạm do sanam disạmko khon soros utạrge ona disạmte do bạń idikoa.

Sereńko 95:11

Ona iạte iń do edreteń kiriạlena, ‘onko do ińakʼ jirạukʼ jaegate baṅgeko bolo ńama.’ ”

Sereńko 106:26

Onate uni do noae kiriạyena onko do hahaṅkarreye cabakoa,

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 1:2

Horeb khon Seyir buru reakʼ horte Kadesh hạbicʼ calakʼ do gelmitʼ din hạbicʼ lagaokʼa.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

1 Korinthiko 10:5

Enrehõ Isor do onko modren ḍher hoṛko cetanre kusi bae tahẽkana. Onate onkoakʼ mạ̃ṛĩ do hahaṅkarrege giḍi ocoyentakoa.

Sereńko 90:9

Amakʼ botoranakʼ edre talate aleakʼ din do parom calakʼkana; ar sahẽtʼ lekage aleakʼ bochorko hõ caba hijukʼ kana.

Sereńko 90:3

Manwa do dhuṛitem ruạr idiyede kana; amem meneda, “E manwa hoponko, ape do arhõ dhuṛite ruạṛokʼpe.”

Dosar Biboron 1:46

Nonkate ape do Kadesre ḍher dinpe tahẽyena ar onḍege ḍher dinpe khemaokeda.

Numeri 32:11

‘okaṭakʼ disạm emokʼ reakʼ katha Abraham, Isahak ar Jakob ṭhen kiriạkateń gokʼletʼ ona disạm do Misor disạm khon oḍok hecʼ akan bargel se ona khon ḍher umerren okoe hõ bako ńela, ente onko do ińakʼ katha purạte bako manaoleda.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 2:13

“Ona tayom Probhu Isorre menkeda, ‘ńitokʼ do beretʼkate Serod reakʼ soḍokʼte parom calakʼpe.’ Ar abo do ona bon parom ạgukeda.

Dosar Biboron 2:16

“Onko palṭonko gocʼen tayom Probhu Isor do ińe metadiń tahẽkana, ‘teheń ape do Ar nagraha aṛete Moab disạm reakʼ simạ bạgikate calakʼ hoyokʼtapea.

Josuạ 5:4

Oka lạgitʼ uni noae kạmiketʼ ona do niạ lạṛhại lạgitʼ oḍokʼ calakʼ leka okoeko herel hoṛ do Misor disạm khonko oḍokʼ hecʼlen onko do Misor bạgiyakʼ tayom hahaṅkarregeko gocʼena.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.

Sereńko 90:15

Tinạkʼ din khon aleakʼ bạḍại rạpud lạgitʼem kạmikana, ar tinạkʼ bochor dukrele tahẽkan, unạkʼ din am do sukre dohokaleme.

Numeri 1:1

Israelko Misor disạm khonko oḍok hecʼen tayom dosar bochor reakʼ dosar cando reakʼ pạhil hilokʼ Probhu Isor do sinại hahaṅkarre ńapamokʼ tạmbure Mose galmaroadeteye metadea,