Dosar Biboron 19:6 - সান্তালী বাইবেল

⁶ Ar baṅkhan mãyãm halayicʼ do raṅgaote uniye lagayea ar asrayokʼ nagraha ạuriye tiyogrege uni doe gojeya, menkhan mon khon ona bae kạmi akatʼte uni do gujukʼ reakʼ dusire bae paṛaokʼa.

Dosar Biboron 19:6 Referans Kwoze

Numeri 35:12

Noako nagraha do hakʼla ruạṛicʼakʼ ti khon rukhiyạ ńam lạgitʼ hoyokʼa, jemon uni do khũn iạte Israelkoakʼ bicạrre teṅgokʼ lahare aloe gujukʼ.

2 Samuel 14:7

Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”

Josuạ 20:5

Ar mãyãm halayicʼ uniye khudạu ạgulere hõ khũn akatʼ hoṛ do uni ṭhen bako jimạyea, ente uni do goje reakʼ monsubạ baṅ tahẽkantaea se hiskạ hõ baṅ tahẽkantaea.

Dosar Biboron 21:22

“Jãhãe hoṛ gujukʼ sạjại ńam lek kanae menteye dos akatʼ khan ar gocʼkate darereko ṭaṅgao dohoakade khan,

Dosar Biboron 19:5

jemon mitʼ hoṛ do eṭakʼ hoṛ sãote birte sahan makʼe sen akana. Ar onḍe sahan mamakʼ jokhecʼ mitʼ hoṛakʼ ṭeṅgocʼ do ḍanḍom khon bocʼkate eṭakʼ hoṛe josokʼ ar onate uni hoṛe gujukʼ. Unre khũniạhi hoṛ do onako asray nagraha reakʼ mitʼ nagrahate ńir senkate acʼakʼ jiwiye bańcao daṛeataea.

Dosar Biboron 19:7

Ona iạte ińiń hukum apekana ape lạgitʼ pea nagrahape begar dohokakʼa.