Dosar Biboron 18:8 - সান্তালী বাইবেল

⁸ Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.

Dosar Biboron 18:8 Referans Kwoze

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Nehemiạ 12:47

Serubabel ar Nehemiạ oktere hõ Israelko do jotoge gaenaha ar rurukhiyạkoakʼ dinạm hilokʼ reakʼ kuṛạiko emkatako kan tahẽkana. Ona chaḍa onko do eṭakʼ liwikoakʼ kuṛại hõ begarkateko dohokakʼ kan tahẽkana ar liwiko hõ Aron bõsrenkoakʼ paona lạgitʼko begar dohokakʼ kan tahẽkana.

Luk 10:7

Ona oṛakʼrege tahenpe ar okako emape onage jompe, ente okoeye kạmikan uni do acʼakʼ kuṛại ńam lek kanae. Ar mitʼ oṛakʼ bạgikate eṭakʼ oṛakʼte alope calakʼa.

2 Bõsbudạ 31:4

Naeke ar Liwiko jemon Probhu Isorakʼ ạn-ạri manao babotre apnartetʼ purạte jamaṛ akanko tahẽdaṛeakʼ onate onkoakʼ paona hĩs emkatako lạgitʼ uni do Jerusalemre girobasokʼ kan hoṛkoe hukumatʼkoa.

Levitikus 7:14

Probhu Isor emae lạgitʼ uni do joto lekanakʼ jinis khon mitʼṭecʼ mitʼṭecʼkateye ạguiya. Ar okoeṭakʼ naeke do sulukren samaṅokʼicʼ janwarakʼ mãyãme irciy noako do uniyakʼge hoyokʼtaea.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

Numeri 18:21

“Israelkoakʼ gel hạṭiń reakʼ mitʼ hạṭiń okaṭakʼ do ińko imạń onage iń do Liwikoń ematʼkoa. Ńapamokʼ tạmbure sapʼdapʼ kạmi bodolte onko do onako ńama.

Dosar Biboron 18:7

enḍekhan eṭakʼ Liwi boehako leka uni hõ acʼren Probhu Isor ńutumte sekʼwa kạmiye kạmi daṛeakʼa.