Dosar Biboron 18:22 - সান্তালী বাইবেল

²² Jãhãe nạbi Probhu Isor ńutumte jãhãn kathae roṛ ar ona do eṛeteakʼ hoyokʼ khan se onka baṅ hoylen khan, enḍekhan bujhạu hoyokʼa ona katha Probhu Isor do bae roṛ akada. Menkhan uni nạbige dilkateye roṛ akada. Uni do alope botoraea.

Dosar Biboron 18:22 Referans Kwoze

Dosar Biboron 18:20

Menkhan iń oka bạń hukum akawade nonkan katha jãhãe nạbi ińakʼ ńutumte dilkate se debotakoakʼ ńutumte kathae roṛ, enḍekhan uni do gocʼ giḍikae hoyokʼa.’

2 Rapajko 20:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, am do amakʼ oṛakʼ duạr sạriạutam, ente am dom gujukʼgea, ar bam bogekʼa.”

Jona 4:2

Uni do Probhu Isor ṭhen koekateye menkeda, “E Probhu Isor, iń do disạmre tahenregeń baḍaekan tahẽkana, nonka hoyokʼa mente. Ona iạtege iń do pạhilre Tạrsisteń ńir pharakokʼ kan tahẽkana. Ińiń baḍaekan tahẽkana, am do daya ar mãyãwan Isor kanam, ar ạḍi anecʼ edrekʼicʼ ar dayate kisạ̃ṛicʼge, ar bạkʼṛicʼ khon dom kastaokʼkana.

Jesaea 41:22

Onako sạbud ạguiytape ar oka hoyokʼ ona lạiyabonpe. Lahateakʼ ghoṭnako reaṅ lạipe, jemon bon baḍae daṛeakʼ onako reaṅ mucạtʼ do cetʼ hoyokʼa mente; se darakanakʼ reakʼko lạiya bonpe cetʼ cetʼko hoyokʼa mente.

Kạhtukko 26:2

Ghaṛwa se bhạluạ cẽṛẽ cetʼleka hante nateko uḍạu baṛae, onkage ạuṛiyakʼ reakʼ sarap do baṅ pheḍ hijukʼa.

Jona 3:4

Jona do ona nagrahare bolokate mitʼdin reakʼ hore senena ar noa katha hohoate lạlạiye ehopʼena, “Ar pongel mãhã khange Niniwi nagraha do ḍahao maraokʼa.”

Dosar Biboron 18:21

“Jãhãn mitʼṭecʼ katha iạte mone montepe mendaṛekea, ‘Probhu Isor do noa kathae menakada se baṅ ona do cekatele baḍaea?’

1 Rapajko 22:28

Unre Mikại menkeda, “Nirạitem ruạṛ hecʼlen khan baḍaeme iń hotete Probhu Isor do katha bae roṛakada.” Ona tayom uni do arhõe menkeda, “Ape sanamkoge ińakʼ katha ańjomkakʼpe.”

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.